Um Reemas :

والله ياأختي أنا حملت بالسعوديه وجيت لأمريكا وكان لي تقريبا شهرين وكنا متفقين أنا وزوجي على كذا ...الحمل والولاده كلها تيسير من رب العالمين سواء كنت بالسعوديه أو أمريكا ..صح يمكن تشيلين هم بمين راح يهتم فيك وقت ولادتك وأكلك ...بس والله عن تجربه عناية مستشفيات هنا مررره حلوه وكويسه وطول ما أنتي بالمستشفى طفلك راح يكون معاهم ...وبعدين سراحه أنا أشوف حلو انك تولدين بأمريكا ويكون عندك ولد جنسيته أمريكيه ..واذا جيتي هنا وتعرفتي على بنات كويسات أكيد بيساعدونك وكلها أسبوع وأنتي تقدرين تسوين كل شي بنفسك .. وبإذن الله زوجك ماراح يقصر معاك ...والله بالنسبه لي كانت تجربه حلوه وصعبه شوي بس كانت لها ذكرى جميله ..أنت وزوجك ماراح تنسونها خصوصا اذا دخل معاك غرفةالولاده وشاف المعا ناه تحسينه انه يحس ويعيش المعاناه بنفسه والشي هذا راح ينعكس على علاقتكم ...لان باسعوديه متعودين ينزلون حريمهم بالمستشفى ويمشون يتقهوون ولا يكملون نومتهم على هالمكيف وبس ينتظرون اتصال مبروك جاك مولود بينما حنا كنا نشوف الموت ...والله ما أدري انا اتكلم عن تجربتي اللي كانت مميزه وتركت ذكرى حلوه وأنت على راحتك بس ما فيها شي اذا جربتي ولاده وحده بأمريكا واعتمدت على نفسك وزوجك راح يكون مهتم فيك أكثر وأكثر ...الله يسر لك أختي اللي فيه خير وصلاح لك وين ما كنتي ... تقبلي مروري ..

والله ياأختي أنا حملت بالسعوديه وجيت لأمريكا وكان لي تقريبا شهرين وكنا متفقين أنا وزوجي على كذا...