أحوال الناس في العزاء

السلام عليكم ورحمة الله

بصراحة أنا من المعارضين لفكرة العزاء وبشده .. لأن مساؤها صارت أكثر من

منافعها ..!!!

للأسف الناس صار عندها تبلد في المشاعر والأحاسيس .. وكل واحد صار همه نفسه

وبس .. وكلٍ يركض وراء مصالحه الشخصية .

الأخ ما يسأل عن أخوه والجار ما يعرف جاره ....!!

وصار العزاء فرصة للواحد يطلع ويتعرف على الناس ... والبعض يراها فرصة ثمينة

لا تعوض عشان يشوف الناس مجتمعين ويتعرف على أحوال الناس .. :39:

هذاأعرس والثاني جاه عيال و...... الخ

ولا أحوال المعزين والمعزيات .... الله المستعان!!!

تجي الواحدة للعزاء حاطه ميك اب كامل ومناكير ليش ...؟؟ :30: رايحه حفلة والا

عزاء كله سواء .. والجزمة مطقمه مع الشنطة نفس اللون ... والا العباية الله يرحم

حالها هذا شيء ثاني ... :( أشكال وألوان ..المخصرة .. والخفيفة .. والملونة ...

ما يراعون شعور أهل الميت .. ياليتهم يجلسون في بيتهم أصرف .. حتى الموت ما

يتأثرون به ..!!!

صار الناس يتكلفون في العزاء وكل واحد يقول أنا أكرم من الثاني .. والذبايح رايحه

جايه ... صارت مناسبة مو عزاء ... الأصل أن الجيران يطبخون عشاء أو غداء على

قد أهل الميت ويرسلونه لهم مو يجمعون خلق الله ويحطون مفاطيح ما أنزل الله بها

من سلطان ..!!!

وأكيد اذا حال الناس كذا.. تحصل مواقف سخيفة وبايخة من ناس بايخين وتافهين ....

ومن المواقف اللي صارت لي في العزاء ... كان واحد من الجماعة توفى بسكتة

قلبية الله يرحمه وموتى المسلمين ... جات وحده تعزي قالت لعياله الله يعظم أجركم

على الفجيعة ليته جاته سخونة ولا مرض كان أهون عليكم من الفجيعة ..!!!

يقالكم بتخفف عليهم .... :29:

ولا الثانية جايه تتعرف عليهم تقول وين بناته ماتعرفهم .. ما أدري ليش جايه ..!!

وحده توفى أبوها وبعد أسبوعين حضرت زواج ورقصت لما قالت ربي اللة !!

وحده شافت بنت في عزاء وتبي تخطبها سألت عن أمها وخذت منها الرقم ..

لهالدرجة ماتت قلوبهم ..!!

ومن الطرائف واحد شاف زميله في عزاء له مده ما شافه قال فرصة سعيدة ... مع

إني ما أستبعد أبداً إنها تحصل ها لأيام .... هذا اللي أتذكره الحين واللي عندها

مواقف لا تبخل علينا .