انتظرك ياقلبي اليوم هزأتها وقلت ماعاد ابغى اضربك ابدا بس انت وحده تستاهل الضرب لانك ماتفهمين وغبيه اقول لها ذاكري قالت ماعندي مذاكره قلت وبعدين تكتب لك المعلمه ارجو الاهتمام بالطالبه :mad:

ماراح ازيد عن كلام الاخوات

لاتدعين احمدي ربك بنتك طيبه غيرك عيالهم تحت الاجهزه وقضو عمرهم كله طايحين بالمستشفى عيرك يراهو معاقين ومبسوطين ان بس حسهم بالدنياء

ماراح الومك ذا اكتئاب طبيعي لازم تروحي دكتور ضميها ضميها ضميها خافو الله حنو عليهم والله ان بنتي عمرها خمس سنوات وانيمها بحضني لازم تحبيها عشان البنت تتكلم



وترا عندي خلطه للعسل في مواضيعي لتأتأه ولتاخر النطق والفهم لجميع مشاكل النطق

ولاتقواين لها كل شي بسببك اللي انتي فيه بسبب زوجك وامه مو بسبب هالبنت المسكينه كلنا عيالنا اشقياء مو بس انتي

وخافي ربك في يوم بتقفين امام الله وراح يسألك عن اولادك وعن كل التقصير

وماراح ندعي عليك الا ان الله يهدي سرك ويحنن قلبك ع بنتك ويخليهم لك

يا اختي الطفل مايعرف شخصيته 

انت اللي تعلميها انت مرايتها

ليه كل شوي تقولي غبيه 

هيه تقول لنفسها انا غبيه 

التشجيع يغير الطفل مرررره 

اذا قالت مااعرف قولي الا تعرفين انت ذكيه 

على طول امدحيها 

اذا سوت شي غلط أساليها ايه رأيك في اللي سويتيه صح او غلط 

خليها هيه تقول انه غلط 

وناديها يااميره يا ذكيه يا شاطره

وقولي لها دااااايم انت القدوه لأنك أختهم الكبيره 

انت القايده

دائم قولي انتبهي لاخوانك حسسيها انها كبيره 

مع التشجيع تسير وحده ثانيه 

قولي لها أهلي يحبوك مررره 

إخواتي يقولو وحشتيهم 

سوي نفسك تكلمي أختك في التلفون 

وامدحيها وخليها تسمع 

اليوم بنتي رتبت او حفظت او اي شي


والاهم من هذا الدعاء  

ولمن تكوني متضايقه روحي جنبها وضميها انت تهدي وترتاحي 
ولمن تكوني معصبه علميها قولي ماما معصبه 
وماابغا ازعلك لمن تشوفيني معصبه لا تزعليني
كلميها وفهميها
وشوفي كيف تحن عليك 

ولا ترضي احد يتكلم فيها قدامها ابداااااا

لو. اهلك قالو شي قدامها 
على طول امدحيها وقولي ماحد يقول كذا عن بنتي حبيبتي
تسير تسمع كلامك و تسير ماتبغا تخيب ظنك
واذا سوت شي غلط عاقبيها بالحرمان مؤ ضرب ولا كلام
وأدايم قولي لها انا احبك لكن مااحب هذي الحركة فيك
لا تقولي أبدا ما احبك قولي مااحب اللي ما يكتب واجبه
قولي انا احبك ابغا اشوفك اشطر وحده.

أساليها لمن تكبري ايه تبغي تسيري ايه حلمك
ودايم فكريها فيه
لمن تذاكر قولي عشان تحققي احلامك لازم تذاكري وتروحي المدرسه
وناديها بحلمها. يعني يادكتوره او استاذه او مديره
وشوفي كيف يسير عندها ثقه في نفسها  

وحاولي تقراين كثير عن تربيه الأبناء 
ان شاء الله افدتك ولو بالقليل

اللهم اهمها الصواب في تربيه ذريتها
اللهم اشرح صدرها 

والله كتبت كلام كثير بس طاااار الله يعيني على جهازي....المهم ياأختي ماشاءالله الاخوات ماقصروا انا مع الاخت الي قالت امدحيها وانا ماأنكر ان فيه اطفال اشقياء بس انتي تعاملك معاها غلط ولا كيف تقولين لها اكرهك هذي الكلمه تهدم جبل وغبيه لا والف لا هيه بكذا بتسير غبيه من جد ...وتدرين ليش تصارخ عليييك لأن انتي تصارخين عليها وهي بتقلدك في كل شي حتى بالعصبيه....وكنت بقولك اذا تستخدمين حبوب منع الحمل اتركيها لأني انا مجربتها اعصب على اتفه سبب وتسبب اكتئاب الله يرضى عليييك عوضيها عن كل الي راح وبذات قوليلها انا احبك واذا عيت تذاكر قولي اذا جبتي ممتاز بجيبلك هديه او بنتمشى المكان الفلاني ...اتذكر قصة واحد كان عنده ولد اسمه فهد ومات قبل عشر سنوات وفي نفس الحادث ماتت بنته الرضيعه بس كل ماذكروا اسم فهد يبكي. وقالوا له الى ذلدين تتذكر فهد ولازم تبكي ليش قال :انا ابكي على فهد اكثر من الرضيعه تدرون ليشش؟
يقول كنا في السياره مسافرين وفهد ماغير يخرب وينط وماريحنا ابد يقول واوقف السياره واخذ العقال واضربه ضرب مبرح وقعد يبكي وقلت في نفسي اذا وصلنا الرياض براضيه ويقول قدر الله وصار علينا حادث ومات فهد يقول ابوه انا مايحرق قلبي الا انه مات زعلان مات يبكي. مات قبل اضمه قبل اراضيه ....وبيبقى الجرح في قلبي ليين اموت....على فكره فهد عمره 10سنوات......الله يخليلك بنتك ويصلحها انا قصدي من القصه الفائده
اسأل الله ان يعيييننا على تربية اطفالنا