السلام عليكم ورحمة الله وبركاته
يا جماعة مبدئيا أنا إنسانة عادية متعلمة ولله الحمد ومن عائلة مثقفة ومعروفة
عانس مع مرتبة الشرف بس موش مشكلة
مشكلتي هي إني تعرضت لمواقف صعبة وانا صغيرة
للأسف من ناس قرايبنا
أخوي الكبير وبعض من الأقارب الثانيين
بعض المواقف مؤذية نفسيا
بس انا جريئة وكنت اشتكي لأمي وهنا الطامة الكبرى
امي انسانة غير متعلمة وتشوف ان الكبير من حقه يسوي أي شي مع الصغير وبالذات لو كان ولد
طبعا انا شلتها بقلبي ولا أزال لأن كثير من أنواع الأذى لازلت أتعرض له
والبعض الآخر توقف لأنه ما عاد فيه مجال لأني كبرت وصرت أعرف أدافع عن نفسي
والمشكلة الأكبر ان في ناس كثير تكره امي ويتعاملوا معاي بطريقة وسخة جدا جدا في الاماكن العامة والتجمعات
يعني العلة مو فيني انا
بنات
أنا التفكير في الماضي وفي أذى الناس لي سواء في الماضي او الحاضر ياخذ من وقتي كثير جدا جدا جدا
صلاتي مقدر أركز فيها
والقرآن مقدر اركز فيه
أصلا كل اللي كنت حافظته طار من راسي
الحقد على الناس اللي أذوني احسه نار في قلبي كل مالها تزيد
افكر كيف اقدر اخذ حقي منهم ومتى
اللي استغربه ان اهلي يقولو غلط تاخذي حقك منهم لأنهم كبار وانتي بالطريقة هذي تسوي عداوة بينك وبينهم
وانا مقدر انسى ابدا
ابدا ابدا
ايش اسوي
حاولت ادعي ربنا كثير
لجأت لصلاة الليل
والصيام
اعتزال الناس
وحتى الدخول في صداقات جديدة
برضو مافي فايدة
لا تقولو اني طفلة وشخصيتي ضعيفة
لا
أنا الحمد لله علاقاتي مررررررررررة كويسة بالناس وفرفوشة ومثقفة والشخصية من برة فل الفل بس المشكلة اني من جوا نااااااااااااار حقد غريب جدا
مع ان كل صديقاتي لما يبغو النصيحة ما ياخذوها غير مني
انا السبب في صلح ناس كثير
بس شوفوا سبحان الله باب النجار مخلع
معليش الموضوع مو مرتب ابدا ابدا ابدا
بس ساعدوني
يلزم عليك تسجيل الدخول أولًا لكتابة تعليق.
ام محمد والقادم
•
مادري والله وش اقول لك اكثري من قول لا اله الا انت سبحانك اني كنت من الظالمين واعفوي واصفحي والله ترتاحين نفسيا وخليهم لربك سبحانه اشفتيها بالدنيا بالاخره والله المستعانم
تقدرين تطهرين قلبك بطريقتين...الاحتساب والعفو...أو التنفيس على من قلبك شاايل عليهم...هذا هو الحل ......
اصفحي وسامحي لوجه الله سبحان الله الله الخالق يسامح احنا البشر ليش منسامح
الله ينور قلبك
الله ينور قلبك
الصفحة الأخيرة