أحيانا احس زوجي يكرهني

السلام عليكم

أنا بدخل بالموضوع مباشرة أنا يابنات متزوجة من واحد يكبرني ب14 سنة وساكنه بغير ديرة اهلي واهله
تصدقون اني احيان اقعدحول الشهر ماطلعت مع الباب وروحات السوق بالحسرة يوديني وغالبا أروح للسوق لا رحت لاهلي ولا يعطيني فلوس كافية
وبعدني عن قريباتي وصديقاتي وكان يسويلي مشاكل عشان اتركهم وهذا اللي صار
يابنات انا لي اكثر من ثلاث سنوات معاه ورافض اني احمل والسبب على حد قوله اني مش متهيئه للأنجاب والتربية
مع العلم اني مريحته على الأخر وماشيه على ما يبي ومع هذا مو راضي عن شي
ينظر لي اني ناقصة مع العلم ان الكل يمدح فيني وأولهم خواته
طلباتي القليلة جدا ثقيلة جدا على قلبه
الوحدة بعد الزواج تنعز وتنرز وانا العكس
دايم يدور عيوبي
باله رايق ولاعنده مشكله مادمي ماطلبت شي أو مشوار(عندها ينقلب مزاجه ميه وثمانين درجة)
ودي اطلب الطلاق بس خايفه من اللي بعد الطلاق
بنات شورو علي الله يخليكم وش اسوي لأني تعبت جدا جدا معاه
نسيت أقولكم ان تعليمه دكتوراه وانا بكالريوس وأحواله المادية فوق الريح وواثق من نفسه جدا ويحس انه الوحيد بين الناس اللي كامل!!!!