أخاف من طليقي خوف ، مكروووبة أنقذوني

السلام عليكم ورحمة الله ،،
بنات ساعدوني بأي شيء بليز الله يرضى عليكم واللي لها في المحاكم أحد موظف تساعدني الله يوفقها ويسعدها
انا مطلقة من سنه و عندي بنت عمرها سنتين من تطلقت للحين بنتي ماطلعت من بيت اهلي زياره لأبوها و أجدادها ابوها كان يطلب فيها و أبوي يرفض ، طليقي مايصرف على بنته بسبب أبوي ،انا ابي اطلب من طليقي مصروف للبنت بس أبوي رافض يبي البنت يصرف عليها هو عشان اذا كبرت ماياخذها ابوها لان اهلي تعلقوا في بنتي
المشكلة ان أبوي بخيل و وقعني فيها و قضيتي مع أبوي يطول شرحها المهم خلال هذه السنة طليقي معاد يجي البيت ولايزور بنته جاها بس ٣مرات في السنة كلها ! والسبب أبوي فيه مشاكل بينه وبين طليقي وأبوي هو سبب الطلاق الرئيسي اللحين انا اذا جئت اطلب أبوي مصروف ملابس و غيرها يرفض يماطلني أشهر وأشهر عشان يعطيني فلوس اللي يجيبه دايم الاكل والحفايض وانتوا بكرامه
انا ناوية اطلب طليقي في مصروف للبنت و اذا طلبت مصروف هو أكيد بيطلب بنته و بحكم ان الأمور زادت سوء قبل الطلاق صرت اخاف اطلبه في مصروف يقوم ينتقم ويآخذها ولايرجعها الا بقضايا في المحاكم . سؤالي اللحين من مرت بنفس الحاله تخاف على اطفالها من طليقها وكيف تصرفت ؟ وهل اذا اخذ البنت وما رجعها اقدر أجيبها بألشرطة حالا وفورا وإلا يتقطع قلبي على بنتي وهي بعيده بعدين تجيبها المحكمه لأني سألت محاميين واحد قال الشرطة عادي تتدخل وممكن تعطينه البنت بتدخل الشرطة وتستلمينها من الشرطة والثاني يقول الشرطة مالها دخل ، بنات اللي عندها اي شيء يساعدني ويطلعني منها انا وبنتي سالمين فالله يجزاها كل خير ولها دعواتي كلما تذكرتها واللي عندها ارقام قضاه سنابات لهم او اي شيء أتواصل فيه مع قاضي يارب أسعدها دنيا وآخره ونولها مرادها