أخباري بعد سنتين أكشن الله لايورية أحد...

ياحبيلكم يابنات حواء رجعتلكم بعد سنتين وبقولكم وش صار علي إلي مايدري هاذي قصتي
http://forum.hawaaworld.com/showthread.php?t=1116695


البنات تخرجو من الثانوي وسجلو في الكليات ولا قبلتهم الا الكلية إلي في ديرة أمهم سبحان الله قلت خيرة يمكن حظ البنات انهم يلتمون مع امهم قام ابوهم قال للبناتة بحط لكم شقة عند امكم وبشتري لأخوكم سيارة يجيب أغراضكم ويوديكم ويجيبكم وكل شي يجي عندكم مع العلم أخوهم بيتخرج من الثانوي يعني رجال المهم تخيلو وش ردت أمهم الله لايبلانا قالت ماجي عندكم لين أصير محرم لة تخيلووووو :o
قالهم انا ماني يناط عليها في إختراع أسمة جوال لابغيت أجي أشوفكم تروح عند أهلها ولا تدخل غرفة ثانية لبن أروح طبعا أصرت قالت لو يموت ماجي عند عياله لين يتملك علي وقامو عيالة يضغطون علية لين راحت نفسيتة زفت كل هذا وانا مدري ولا عندي خبر بس ملاحظة تغير الرجال
وانا كاني حاسة وقام يدور علي الزلة ولا ويغلط علي يبيني أتهاوش معة وازعل ويصير لة سبب المهم أخذتة بصدر وسيع ومهما يقول ساكتة ولا أرد علية قلت خلها تجي منة ولا تجي منى المهم يوم جت الإجازة وداني عند أهلي أغير جو وداهم لأمهم( غريبة أستقبلتهم ) وأخذ كم يوم بس الأ يصبحني برسالة كنها الصاعقة علي راسي قال انا خلاص برجع أمهم وكلمت أخوانها في الموضوع ووافقو وانتي إلي بتسوينة سوية راضية أهلا وسهلا زعلانة وش تبيني أسوي ويل حالي قعدت الدنيا تلف فيني تشرق وتغرب والقهر حق السنين إلي فاتت في خدمتة وخدمة عيالة وإنحرمت من أبسط حقوقي لين كبرو ويوم كبرو هذي المكافأة وبكيت وبكيت وبكيت وطحت على فراشي وتجي أمي على صوتي وشفيك يابنتي ولا أرد عليها ويجي أخوي ويقرا الرسالة لامي قالت عادي يمي بكيفة هو الخسران وتحاول تخفف عني بس مافية فايدة حسيت بإحساس ماعمري حسيتة مواصلة ليلي مع نهاري ماذوق النوم تقوم أمي في كل حزة تلقاني صاحية امي أنهبلت قالت بيحوشها صدمة نفسية
وانا فيني غضب وبركان ماحد يدري عنة المهم أرسلتلة مبروك والله يهنيك بس أنا طلعني من حياتك وخلني أرتاح عاد خلاص مافيني كفيت وفيت قام أرسلي والله لو يجيني ولدي الصغير وعمرة ثلاث سنوات يسير علي هو وحرمتة ماطلقتك قلت إية هين والله لأخلعك وأنت تشوف وادفع فلوس من حلالي بس تفارقني ماعاد أبي أشوف وجهك قالي مستحيل قلت خلاص كلمت محامي وعلمني بكل شي وانا أكذب لاكلمت ولا شي بس من القهر المهم قامو الحريم من جهتها يشقون ويرقعون وخلاص تملك وخلاص دخل عليها يبون يزيد الي بيني وبينة وانا في حاله مايعلمها الا الله ويجون خواتة يسيرون علي يبون يشوفون وش حالتي واضحك واسولف ولا همني واذا راحو قمت أبكي المهم رحت سافرت لبيتي واخذت كل أغراضي ولا خليت شي صار البيت يخوف فااااضي ورجعت وادعي ربي قي الليل والنهار وان الله يطلعني على نيتي وينصرني ربي على كل من ظلمني فجأة بعد كم يوم وإلا يدق علي ولا رديت ويدق ويدق ولا أرد المهم أرسلي ردي أبيك في موضوع هذا الكلام بعد شيلة عفشي بيومين المهم قعدت أمي تهاوشني ردي علية المهم أرسلتلة مابينا كلام أنت أنهيت كل شي قام والله للحين على البر وماصارشي قلت أحلف قال ردي علي واسمعيها بالصوت المهم رحت لغرفة ثانية ورديت قال هلا وغلا بهالصوت ومن هالكلام ... تكفين لا تخليني حياتي ماتسوى من دونك وترا والله ثم والله ثم والله أني ماملكت عليها للحين واني من يوم ماخذتي أغراضك وانا أستخير واستخير في كل وقت واقوم من النوم منصرف عن الموضوع ولا عاد ابيله طاري قلت طيب والناس إلي كلمتهم قال أمهليني يوم بعتذر لهم واكلمك اناوجهي علامات تعجب مدري إستفهام المهم كلمني عقبها بيوم وقال أنا خلاص خلصت موضوعي معهم وإن كانها تبي عيالها حطيت لها شقة هي وعيالها ووإن كانها ماتبي بسلامتهاهاذي ماتبي عيالها تبيني ولا للرجعتها خير لنا سبحان الله وجا الصبح طاير وأخذني وداني للشرقية احلى واروع رحلة قسم بالله لها طعم ثاني ...............وبالنسبة لأمهم بغت تموت ترسل من جولات عيالها علية تتكلم بأسمهم وهو مطنش الحمدلله لك يارب وبالنسبة لدراستهم أنا رحت معهم وسكنت عندهم أسويلهم كل شي والبنات أشوف منهم حركات إستفزاز وتطفيش بس سافهتهم كافية خير شري والله يستر من الي جاي.........................