بنت اغلى اثنين :

[quote=ملكه بنقابي;67154755]صحة ليكم شميتو نسمة الحرية من أول يوم تعالي احكيلي شن صار فيكم من 6 شهور وكيف فرحتكم توا بعد التحرير والطحااااااااااااااااااااااااااااااااااااااااااالب شن كانو دايرين فيكم [/quo آآآآآآآآه يا ملوكة شن بنحكي والا بنحكي بصراحة كانت فترة صعبة جدا .بين حصار وقلة البنزينة والغاز والكهرباء اللي تهرب والنت اللي مقطوع والحالة النفسية زي الزفت وكله كوم والمجازر اللي كانت تصير في المناطق التانية زي الجبل ومصراتة وباقي المناطق كانت مدمرتنا .. والفترة الاخيرة في بداية رمضان كانت الكهرباء تقعد بالاسبوع هاربة والمواد الغدائية غالية جداا جدا وناقصة لدرجة اقسم بالله حتى الماكلة يادوب نشربوا امية والعشي حاجة بسيطة واللي هدا يقول ما خاطريش .حتى الاطفال خلوقهم في راس خشمهم .ومقعمزين في الحوش لا طلعة ولا خشة حتى في التليفونات ما نقدروش نتكلموا براحة ..لكن مع هدا كله كان ايماننا بالله قوي والحمد لله عندنا ثقة بالله اننا منصورون للاننا عل حق .فكان سلاحنا الدعاء والتضرع الى الله .. اما الطحالب فكان حالهم حال يهيجوا في الشوارع يسحابوها بدوملهم لكن ما قدروش يأثروا فينا بالعكس كنا نضحكوا عليهم وعلى تفاهتهم ولما تتناقشي مع حد فيهم لالاسف يقعد يدوي في دوة مش مفهومة وفي الاخير يسكت لانه ما عنداش حجة مقنعة . اما توة فرحتنا بالتحرير مهما حكيتلك يا ملوكة مش حنقدر نوصفلك نستنا معانات كل الفترة الماضية واليوم طلعت فكنت مش مصدقة عيوني علم الاستقلال يرفرفر وشباب زي الورد يحرسوا في البوابات واصوات التكبير ليل ونهار وصور الطاغية مفرشينهم على الارض والسيارات تعفس عليهم والعبارات اللي كاتبينها عالحيوط ترد الروح وتحسي بأمان مش طبيعي لدرجة ان بنتي وولدي فرحانين ولما نخطموا من جانب الثوار يقعدوا يحيوا فيهم ويغنولهم .والكل يساعد في بعضه توكل الشباب اطوعوا يبوا يساعدوا بأي حاجة .تحسي بحب وود بين الناس ما حسيناش بيه من قبل خلال الفترة الماضية كلها كنا كل ما تتحرر منطقة نفرحوا هلبة هلبة وتوة لما تحررت طرابلس كانت الفرحة مضاعفة والفرحة حتكون اكبر واكبر لما تتحرر ليبيا كلها ونشدوا الطاغية واولاده وازلامه وربي يعجل بهدا اليوم ويكمل علينا فرحتنا ويرحم شهدائنا ويصبر اهلهم يشفي جرحانا ويحفظ بلادنا وتععيش حرة متهنية يااااارب العالمين.

[quote=ملكه بنقابي;67154755]صحة ليكم شميتو نسمة الحرية من أول يوم تعالي احكيلي شن صار فيكم من 6...