أختكم في امس الحاجة لكم بعد الله

السلام عليكم ورحمة الله وبركاتة
بنات والله ملقيت غيركم الجئ له بعد الله لما وجدته فيكم من حب للخير وتعاون
مشكلتي يا بنات انه زواجي قرب واحس نفسي ضايعه بشرتي كلمالها وتتدهور وطلعت فيها حبوب وشوهت صدري واذرعي كمان وساهم هذا في التاثير على نفسيتي
تقولون من التفكير والله اني مدري بس احس اني مو مرة شايلة هم الزواج لاني ولله الحمد متفاهمة مع خطيبي واتقابل انا وايا ه دائما بس من شهرين بدت تطلع لي كل يوم حبة واكيد بتقولون روحي دكتوررة جلدية بس ما عندي احد يوديني كل ما قلت لاهلي قالوا تغذي وابعدي عنك التفكير وماعندي فلوس اروح لخاص ولا كنت دبرت نفسي واخوي قالي بوديك العسكري بس صراحة ما عندهم سالفة بعدين الدكتور رجال ما اقدر اورية صدري لانه هو اللي شوهته الحبوب
المشكلة الاخرى اهلي مو متعاونين معي في نزلات السوق والوالد يعتبر شراء الملابس خرابيط مالها داعي صراحة هو ما قصر قضالي بخمسة الالاف بس ناقصني اشياء كثيرة مثل البناطيل وملابس البيت وهذى ما يعترف فيها الوالد بنات احس اني مرة تعبانة نفسيا وخاصة البنات اللي بيزوجون معي احلوا مرة وماشاء الله كل ما سمع عنهم الاهم في السوق وعالجوا بشراتهم فاحس هذا اللي زادني هم
اخيرا صراحة احس نفسي ابكي تكفون ابغاكم بس تدعون لي ربي يوظف خطيبي وظيفة حكومية براتب زين وانه يفرج همي ويشفيني من الحبوب الي في جسمي ويوفقني في زواجي ابغى وقفتكم معي مالي بعد الله غيركم :(