أختكم في غربة ومحتاجة مساعدتكم ...

بسم الله الرحمن الرحيم
كيفكم يالغاليات ؟ان شاءالله كلكم بخير..
خواتي احنا بغربة وكل اسبوع العشا عند وحدة فينا ..الاسبوع هذا حتكون عندي الين كذا تمام ..اليوم زوجي قالي ممكن انك تحطين لنا عشا من نفس العشا اللي بتسويته (طبعا هو يقصد الرجال يجتمعون في نادي للسعوديين وعددهم تقريبا 12)انا يوم طلبني قلت تم استحيت اقول لا ...بس تعرفون الغربة وامكانياتها من ناحية الطلبات والصحون والاطباق ..الخ
ممكن تفيدوني يالسنعات في المنيو مثلا انا في بالي بسوي (ورق عنب-محشي كرنب-بف-افخاذ الدجاج-كبة-فتة باذنجان-تبوله -رز زربيان باللحم-صينية مكرونة-صينية دجاج بالكريمة-ومنتو كذاب-تشيز كيك-كريم كارميل-حلى المالتيرز-حلى لونين بالسويس رول)
اعطوني رايكم بالمنيو احيانا اقول بغير احط اطباق اسهل بالتحضير والتجهيز ..اذا اي اخت تفيدني في شي يتجهز قبلها واقدر احضره عشان ماانضغط يوم العزيمة،طبعا البنات كل وحدة تجيب معها طبق بس اكيد بيجيبون على متعودين عليه على قدنا (ماشاءالله موقليلين 10)فانا لازم مااعتمد الا على اللي راح اطبخه في البيت..
من الاشياء اللي محيرتني خخخخخخخ احس بتضحكو علي لو بسوي صينيتين مكرونة كيف اوزعها والبايركس كلها طقم احط فيها مكرونة والا دجاج بالكريمة والا الحلى خخخخخخ وهو يقول مو تحطين لنا رز لالالا حطي من الحاجات الثانية هههههه وانا ماودي يحس اني شايلة هم يفكر اني مااودي اسوي فهمتوني ..في نفس الوقت ودي يطلع شغلي مرتب وتمام مو حوسة
الله يخليكم لي .......ادري طولت عليكم بس عشمي فيكم كبيييييييييييييييييييييييييييييييير