أختك حبيبتك موقفها النبيل

كل وحده مننا لها أخوات ، وفيهم من تحبها ، ومن تغار منها ، ومن تطاق وياها


لكن شنوا المواقف النبيلة لأختك ؟ أي أخت من أخواتك تحبيها قولي لنا موقف نبيل عظيم

يا زين الخوات الصالحات الفالحات

خلوني أبدأ طبعا حنا 6 الله يحفظنا يا رب

وخواتي عادي أحبهم ، و....

لكن أختي أكبر مني لها في قلبي إحساس بالمحبة الزائدة


الله يحفظها حنونة ، وفزاعة ، وعندها حمية في أخواتها

هي أكبر مني وما تزوجت ، ويوم كنت أجهز لزواجي راحت بيني وبين أبوي الله يرحمه ، تقوله أيش أبي ، وشروطي ، والقاعة اللي أبيها ولما صار مشكلة ذيك الأيام وقفت معي ، وقالت لأهلي في وجههم وش أبي ... وشرت لي هدية شيء كنت أبيها بس الفلوس ما تسعف

شرت لي من راتبها الله يخليها

هي والله حلات بيتنا ، مع إنا ثنتين متزوجين قبلها الله يرزقها يارب :44:


وإلى الآن لما نزور أهلي تصلح حفلة من راتبها لأي مناسبة ، مع أنها مو أكبر خواتي هي الرابعة بيننا

بس حنونة مرة مرة مرة وترقدت مرة مع زوجت أخوي لما تعبت وكلنا رفضنا

أحسها أخت بمعنى الكلمة

يالله يا بنات شاركونا بالله لا تفشلوني