’,’~أختيار الملابس المناسبه لشكل الجسم .... ارجو التــــفاعـــــــــل~’,’

السلام عليكم ورحمه وبركاته

اهلين يا حبوبات يا قمورات
:icon30:
كيفكم ؟؟!!!
عندي موضوع ابغى اطرحه وابغاكم تتفاعلون معي الله يعافيكم

على شان نستفيد من بعض :heart:
وما ادري اذا كان فيه احد قبلي طرحه او لا
وترى هذا كله من تأليفي وشغلي وما اخذته من احد يعني تعبت عليه
واللي تبي تنقله تقول منقول ولا ما اسمح لها :angry2: ....

المهم
الموضوع هو اختيار الملابس المناسبه لشكل الجسم

يعني كيف تشترين او تفصلين الملابس اللي تناسب جسمك <<< :hahaha: على بالها جويل بالصراحه احلى


يعني يا حبوبات لمانجي نشتري مو بس يعجبناعلى الفترينه :7_18_2: والعرض وبس ونشتريه
وبعدين نصدم من اشكالنا اذا لبسناها :icon32: :icon33:
لا لازم تشوفين يصلح لك او لا..
مهما كان حلو شكله وخامته ولا شفناه على احد او في التلفزيون ونبغى مثله
لازم تراعين ان الأجسام مختلفه عن بعض

وخصوصا يعني المليانات او عندهم مناطق بارزه او غيره
تختارين الأشياء اللي ما تبرز هالأشياء وتخفيها وتطلع الجسم شكله حلو لو كان مثل جسم الفيل
واللي جسمها جسم عارضه الله يهنيها تقدر تشتري اللي تبغى الا اللي طولها مش ولا بد لازم تراعي النقطه هذي ...

ودرجه اناقتك تعتمد 70% على اللبس المناسب لشكل جسمك مهما كان ماركه اوغالي او حتى من مصمم عمره مايطلع حلو الا اذا كان مناسب لجسمك

وانا بابدا اتكلم نوع الجسم اللي هو مثلي لأني خلاص صرت اعرف له زين
وانتم عليكم الباقي يعني كل وحده تقول كيف جسمها وشلون تختار اللي يناسب له

الجسم اللي يكون مخصر وصدره حلو لكن الوروك عريضه شوي
هذا شكل جسمي من فوق حلو لكن الوروك بارزه او عريضه مع الأرداف

البلايز
هذي الأجسام ما يناسبها البلايز اللي تكون قصيره لأنها تبين الورك وتضخمه
وبعد البلايز اللي فيها فتحات مع الجوانب
ويناسبها البلايز اللي تحت الورك بشوي مو طويله مره واللي قصتها من تحت دائري مو مستقيم احلى
والبلايز المخصره بس ماتكون ضيقه من عند الصدر لأنها بتظهر العكس
والبلايز اللي مو مخصره بعد حلوه بشرط ما تكون مفتحه مع الجوانب
وبلايز اللف حلوه تبين الجسم حلو بس ما تكون قصيره اهم شي
والبلايز اللي تربط من عند الخصر مو حلوه ابدا لهذا الجسم لأنها تبين الأوراك بشكل فضيع ...
وحذاري من لبس الأحزمه على الخصر ...

التنانير
التنانير الضيقه ماتناسب هالنوعيه من الأجسام
والتنانير اللي تكون فيها قصات من تحت مثل قصه السمكه بعد ماتناسب لأنها تعرض الشكل كله
مثل هذي

او هذي

واهم شي في التنوره ان الكمر يكون مو مطاط يكون عادي افضل للشكل او بدون كمر احسن
والمناسب للاجسام هذي التنانير اللي تكون فيها ـ على ما اعتقد اسمه ـ قصه الشقر او يكون ربع كلوش
ووصفه انه يبدا يتوسع شوي شوي من فوق الين تحت
مثل الصوره ذي

او التنانير اللي فيها قصات وحركات على جنب بس تبتدي من فوق عند او تحت الورك بشوي وما تكون بعد الركبه
زي الصوره هذي


وافضل شي اللي تكون مخيطه على شكل الورب اذا ماني غلطانه
وهو يكون خياطه القماش وهو مايل يعني مو على شكله اللي تبي تخيط تقول للخياطه كذا راح تعرف
بس مشكلتها انها تستهلك قماش كثير لأنها تتخيط بشكل مايل
وهذي التنانير تعطي شكل انحف ومتناسق يعني تخفي كثــــــــــــــــير الارداف والوروك
وممكن البلايز تكون مثل الخياطه هذي وتطلع حلوه بعد


الفساتين والجلابيات
مثل ما تكلمنا عن البلايز والتنانير نحاول نطبقهم على الفساتين والجلابيات
يعني الجلابيه ماتكون حلوه لو موديلها ايش الا اذا ناسبت شكل الجسم
والمناسبه في هذي الحاله اللي تكون من عند الصدر ماسكه شوي وبعدين تبدا تتوسع الين تحت يعني كأنها جايه خط مايل مع الجوانب والله انها تطلع الجسم حلو وتخفي كثير وتنحف الجسم
مثل هذي الصوره مثل القصه مو الموديل

مو مخصره ولا تكون ستريت يعني مستقيمه هذولي ما ينفعون للجسم هذا ابدا
يمكن للأجسام الثانيه تضبط معهم
والفساتين نفس الشي الأفضل تكون مثل كذا قصتها


واذا كان الفستان قطعتين
يعني توب وتنوره التوب غالبا يكون قصته قصيره شوي لكن ممهن تخلين فيها قصات من تحت او تكون مايله مع تعرجات بحيث انها تغطي التنوره من فوق
مثل كذا



وتنوره الفستان مثل ما قلت في اختيار التنانير ....


وكل الصور توضيحيه فقط ما اقصد فيها الموديل بالضبط



وهذا اللي عصرته من مخي الحين :3_3_103: واذا تذكرت شي ارجع واقولكم

باقي الأشكال من الأجسام مثل المليانه من فوق ومن تحت نحيف او عادي
او اللي مالهم خصر جسمهم على بعض وغيره
ياليت يحطون تجاربهم على شان يفيد ويستفيد
:2thmup:
اتمنى ان الموضوع اعجبكم ولو انه طويل بس ما عليش تحملوا....
انتظركم