الله يعوضكن خواتي كل الخير باذن الله ويرزقنا بالذريه الصالحه يااااااااااااااارب:26:

خواتي ...
حالتي ماتزيد عن حالتكم الا اني اجهضت خمس مرات وان الحمل ما يتجاوز الاسبوع 11ويموت الجنين وسويت تحاليل شاملة قبل الحمل الخامس والنتايج سليمه .. وعدت التحاليل عسى يكون فيها غلط وننتظر النتايج ادعولي

سلام عليكم خواتي العزيزات...
اولا الله يوفق الجميع انشالله ويكتب لنا الذريه الصالحه يارب....امين
انا حملت بعد زواجي بسته شهور وكنت فرحانه وزوجي كان بيطير من الفرح وكان عندي الوحم متعب جدا
يعني كنت وااايدر ارجع ومااقدر اكل شي ومااحب الروائح حتى زوجي ماقدرت اتقبله اذا شفته على طول ارجع
وماقدرت ايلس فالبيت رحت بيت اهلى ولما دشيت الشهر الثالث اجهضت كنت نايمه بس حسيت اني ابي ارجع وانا ونايمه واول مره تصير معي وفعلا رجعت ولما رحت اتغسل اشوف انه عندي نزيف شديد ورحت المستشفى قالت الدكتوره الجنين بخير وحاولي انج ماتتحركي وقالت روحي البيت مع انه النزيف مو طبيعي ورجعت البيت ونفس الوضع تعبانه كثير وبليل نزل الجنين فعلا كان قطعه لحم كبيره شوي بس لما شفته وهو ينزل ماقدرت انام اسبوع كل مااحاول انام اتخيل شلون نزل وكانت نفسيتي زفته وكوابيس بس الحمدلله على كل حال والحين طاف سنه من اجهضت
وماحملت لاني اخذت ابره منع الحمل وحده قلت اريح جسمي شوي واهتم بصحتي بس الابره شوي طول مفعولها
وانشالله اتمنى احمل فالقريب ... والسموحه على التطويل
والله يرزق كل محرومه يارب .... امين

هلا بخواتى الغاليات:26: :26: اما انا مشكلة عويصة والحمد للة على كل حال00 متزوجة لى اربع سنوات ونصف واول ماتزوجت جلست سنتين وزيادة ماحملت 00 وحملت وسقطت 3 مرات مع ان حملى الثالث اللى كان من 7 شهور كنت مسوية عملية ربط الرحم مع ذلك سقطت 00 ولاحول ولاقوة الا باللة00 كنت اسقط فى شهر الرابع 00 والخامس 00 والا خير فى الخامس بعد 00 المشكلة انى سليمة وضعى طبيعى على كلام الدكاترة00 وكان مشكلتى الوحيدة00 ان عنق الرحم عندى قصير واذا كبر الجنين يضغط على العنق واسقط 00 ومع الربط سقطت00
(اللهم اجرنى فى مصبيتى واخلف لى خير منها):29: :06: :( :44:

والله يابنات انا احس ان مشكلتي مالها حل

وانا ما صدقت القى مثل هذا الموضوع عشان اكتب فيه

انا سارلي سته سنوات ما حملت

وفي بداية هذي السنه حملت والحمد لله

والله يابنات ما تصدقون لما رحت الدكتور احلل

وقالتلي السيستر اني حامل طرت من الفرحه

اتصلت على زوجي كان وقتها مسوي عمليه وفي البيت

لما قلتله جلس يبكي

لكن الحمدلله على قضائه في نهاية الشهر الثاني توقف نموه

الي خلاني اعرف نزل علي نقاط بنيه دم

وكل بعد يومين اروح للدكتور وابر تثبيت واحبوب دفستون وحاله

لكن النقاط وقفت بعد اسبوع

ورجعت اسوي تصوير قالولي مافي نبض ممكن يكون حجمه صغير استني اسبوع

واستنى اسبوع وارجع للمستشفى ونفس الكلام مافيه نبض قال نسوي لك عمليت تنظيف

المشكله ان ما معاي لا دم ولا الم

وقالولي الناس ما يصلح يفكون لك الرحم بعدبن يخرب الرحم

وحتى الدكتور الثاني قالي نفس الكلام واعطاني مهله اسبوعين

لكن الحمد لله طاح في نهاية الاسبوع الثاني يعني جلس ثلاث اسابيع خربان

وانا الان لي ثلاث واربعين يوم بعد عمليت التنظيف ومعايه دم وتنزل قطع معايه

شكلهم مومنظفيني زين لان الجنين طاح قبل العمليه