الله يوفقك ان شاء الله
1/ ادعي ربي يسخره لك بعد كل صلاة وفي كل سجود
2/ اياااكي والغيرة اللي مالها داعي لانها تدل على عدم ثقتك في نفسك
3/اهل زوجك اجعلي علاقتك فيهم رسمية وانصحك ما تخلينهم يمونون عليك افرضي احترامك عليهم علشان يقدرونك ترى الناااااس ما ينعطون وجه وما عليك من اللي يقولو احشميهم حشمه زايده كل شيء وسط لا افراط ولا تفريط
4/ لا تتدخلين بين زوجك واهله او تقولين عطهم جبلهم ودهم اشتر لهم ترى هو ادرى باهله وعلاقتهم فيهم من زمان يعني ما لك شغل في احد
5/ ادعي ربك في الثلث الاخير من الليل انه يهدي زوجك ويهديكي ويجمع بينكما في خير
6/ مشاكلك اللي تقدرين تحلينها سكري عليها في بيتك ولا احد يدري من اهلك او اهله عن مشاكلكم الا اذا كانت المشكلة اخلاقيه لا سمح الله
7/ لا تدلعين زوجك دلع زايد ترى بعض الرجال يحبون البنت اللي ما تعطيهم وجه احيانا
8/بالنسبه لعلاقتك الخاصه عطيه اللي يبغى ولا تتاففين منه او تنفرين تراها اساس العلاقه يعني اذا رفضتيه ليله يبدى يكرهك ..ويفكر في غيرك ..
9/ خليك ثقيله عليه شوي
10/ خليك مرحه في بيتك وضحكتك في بيتك رنانه علشان اذا زعلتي يفقد هالشي وما يرجع يزعلك ..

هذا اللي عندي واسال الله لكي التوفيق ولجميع بنات المسلمين ..

تذكرت شئ

مشكاكلكم انتبهي تطلع من بيتكم وحليها بينك وبينه ولا احد يتدخل لا اهله ولا اهلك والله ان تدخلو راح يخربون السوالف ويكبرون السالفه ..

لاتشكين لاى انسان مهما كان قريب منك لانه راح ياخذ فكرة شينه عن زوجك فانتبهي
مهما كان به من عيوب استريها فربما تغيرت وتبدلت للاحسن عندها انتى راح تنسين لكن الى شكيتى له ماراح ينسى

نوعى بالقبلات قبل خروجه من البيت او دخوله يعنى لا تستغلى الاغراء في كل قبله فمااروعها قبله الراس والانف خصوصا عندنا بالسعودية تشعر الرجل انه ذو قيمة وانه فوق دوما بعكس قبلة الخد التى لا تفسير لها الا انه ند لك فلا تمييز بها

ان حدث بينكم اى مشادة ولو بسيطة اذهبي للحمام وتوضأي وصلى ركعتين ثم عودى واكملى المهاوش = مع انى اشك انك بتكملين

حاولى عمل اى عزايم لاهله لانه بيكون فخور بك وساليه دوما وش يحب تحطين لهم على اساس انه اخبر باهله فان كان به عيب فهو الى بيكون قايله وان كان به خير ومديح فبيكون له نصيب منه وهذا يسعد الرجل

================= اممممممممم الباقى اذا اعرست علمتك بها

لله يوفقك حبيبتي والف مبروك
حبيبتي انتبهي على نقطة واحدة وهي خليك رسمية مع اهل زوجك لانك مهم صرتي حليوة


راح يقول عنك مرجوجة وما راح يقدرونك مرة وهذا اكبر مشكلة عندي عجزت اصير رسمية


فليت البنات يفدوني ويفدونك كيف قدروا يصيرواثقل لاني مرة محتاجة هذا الشىء الله يخليكم

يابنات لا تتركوني

السلام عليكم

هلا فيك يا أختي

وخوش موضوع كتبتي

لما كل وحده تحط لج نصائحها

راح تدخلين عش الزوجيه وانت ثريه بالمعلومات

____________________________

أهم نصيحه ( اتق الله في زوجك واعلمي انه هو جنتك ونارك )

لما تطلعين من بيت أهلك وتروحين بيت زوجك

تنتقل الحقوق لزوجك

ويصير له الأولويه

في الطاعه
___________________________

من أحاديث النبي صلى الله عليه وسلم الصحيحة :

(( لوكنت آمرا أحد أن يسجد لأحد لأمرت المرأة أن تسجد لزوجها من عظم حقه عليها

ولو أن رجلا به قرحه تنبجس قيحا وصديدا من مفرق رأسه إلى أخمص قدميه

فأقبلت عليه تلحسها ما وفت حقه ))

لاحظي --- يعني لو مهما تسوي ما توفي حقه

فالطاعه التامه والخدمه

والركض في سبيل اسعاد الزوج كله من الاسلام

ويقرب الى الله

ديري بالك من الحريم اللي يقولون

حقريه ولا تعطينه وجه

وخليه يولي

وسويه خاتم بصبعج و.... هالكلام اللي ماله معنى

_________________________________________

وبعطيج قاعده اكتشفها أحد علماء النفس هي السبب في نجاح العلاقات على المدى البعيد


الفهم
الإحترام
المسئولية
الاهتمام ( الرعاية المتبادلة )
الأهداف المشتركة



كل اللي تشوفينهم سعداء في علاقاتهم على ممر السنوات

لابد انهم مطبقين هذي النقاط

________________________________________

وأسأل الله العظيم رب العرش العظيم ان يوفقك ويسعدك

ويرزقك بالخير والمال والبنون