أختي بدها تتطلق ..... بليييييييييييييز ساعدوني وانصحوني شو اعمل

السلام عليكم أخواتي ... بصراحة ترددت كتير قبل ما أكتب بهالقسم بس أنا فعلا محتاجة مساعدتكم

القصة بدت من حوالي ست سنوات ... أختي كانت في الثانوية العامة ، تقدم ابن خالتي لخطبتها ، هو متدين وملتحي ، كان شوي رفض من ناحية الوالد والوالدة لأنو من الاساس خالتي وزوجها عندهم اطباع غريبة منفرة ، وكان في مشاكل بسيييييييطة معهم ، لكن الوالد عاود وافق ...
كان في مشاكل أيام الخطبة لكنها كانت بين العائلات مش بين اختي وخطيبها ، وتم العرس ، وكان من الشروط انو اختي تكمل تعليمها الجامعي
هلا أختي أول حياتها كانت تضل ساكته على كلام حماتها وبناتها ، وحماها كمان ... وكان زوجها يدافع عنها ، بس بعدين زوجها انقلب عليها ، كان يضربها لحد ما يتلون جسمها ، هاد غير المسبات والكلام البذيء اللي مش ممكن تتخيلوه ، طبعا اختي هلا أنا بعترف انها ما بتسكت من مرة .... وخاصة بعد وفاة الوالد الله يرحمه .... يعني بترد الجواب ...
صار مشاكل كتييييييييير بينهم ، وقبل سنتين حردت عنا بعد ما كان ضاربها وأغمى عليها من الضرب ....
بعدين انحلت المشكلة وخلص هو تعهد انو ما يمد ايده عليها
هلا أختي بتقول انو وقتها رجعناها غصب ، وانو لو كان أبوي عايش كان ما رجعها ، وهالحكي اللي راح وقته ،
قبل فترة اختي اعطتني سرها وقالتلي انها مش طايقته من مرررررررة ، وبتضل تحلم فيه انو وحش ، وبتضل تشوفه على صورة وحش ، نصحتها تعرض حالتها على أحد المنتديات اللي بتعالج بالرقية الشرعية ، وكان رد الشيخ انه الأغلب انها بتعاني من سحر ، وأعطاها برنامج قرآني تمشي عليه ، ووعدتني تمشي عليه ، لكنها لهلا ما مشيت ، أحوالها متقلبة ، صار معها مشكلة من أسبوعين وزوجها مد ايده عليها على الخفيف (يعني بس شد شعرها ) وطبعا سبها بما لا يقال .... وانحلت المشكلة ، ومن وقتها ما صار شي لكنها هلا مصرة على الطلاق ، مع الرغم انو أخوي حل النزاع بينهم وخلاه يجيبلها هدية بسيطة .... هي بتقول انو مش طايقته واكيد بيوم من الايام رح تطلق منو ......
زي ما حكيت هي من جديد ما بتقصر ، يعني لما تصير مشكلة ويمد ايده بترد عليه بصوت عالي ، وبصراحة ممكن تسبه كمان ....
وهو من النوع اللي بيستفز ، وبيفضل انها تضل في البيت ، وهم عايشين ببيت اهله صغيييييييييييير كتيييييييييييير بيناموا فيه على كنبات ، غير جدي أبدا بتوفير بيت لها ، من النوع الكسول ، وبيمد ايده وبيسب ، بس من ناحية تانية ربنا الله أصدقاؤه متدينين ، يحب اولاده .... يعني مش هالرجال الي صعب ينعاش معه
هلا المشكلة انو هو بيستفز وهي سريعة الاستفزاز ، وبنتهم بالروضة مسكينة حالها بيقطع القلب ، يعني صارت شبه معقدة نفسيا من مشاكلهم اللي بتصير امامها ....
السحر اللي عندها اكاد اجزم انو من عمايل حماتها أو بنات حماها لانهم يلعبوا الالعاب اللي فيها استحضار للجن ، وحماتها كان لها ماضي عريق بزيارة الفتاحين وعمل الحجابات ...
بس المشكلة هلا نفسية أختي منهاااااااااااااااااااارة ، اللي بيشوفها ما بيتوقع انها صغيرة ، صايرة كأنها عجوز كبير ، وجهها شاحب ، وبشرتها تعبانة وحالتها حالة ... وكل ما اقوللها ابدي العلاج اللي وصفلك اياه الشيخ بتقول ما في سحر ولا بطيخ ما بدي أبدا ....
ووالله يا جماعة اني حيرانة .... بيتنا عم بينهدم شوي شوي .... يعني عنا مشاكل ولله الحمد يعجز عن حملها جبل ، واختي زادت همي ، مش عارفة كيف أساعدها ؟؟؟؟
شو بتنصحوني أعمل .... أنا نفسي حالتي حالة ووضعي يبكيله الصخر ....
الله يسعدكم انصحوني ، اعتبروني أختكم .... وما تنسونا من الدعاء .... بليييييييييييييييييييز