أختي تبي رايكم

هذا الموضوع بالذات ماتاخذ رأي اي احد فيه هي فقط اللي تقرر
الحمل على حسب تحملها الجسدي والنفسي وهل باستطاعتها الحمل الان والعنايه بمولود مع اربع اطفال غيره؟
صحتها تساعدها وفيه مين يساعدها وعندها القدره على التربيه الصحيحه واعطاء كل طفل حقه من العنايه والرعايه والاهتمام ؟؟
هي ادرى بنفسها لانها هي فقط اللي بتتعب وهي اللي بتسهر وتعتني بالبيبي واطفالها الباقيين
والعبره مو بكثرة الاطفال العبره بتربيتهم صح مو بس تحمل وتولد وخلاص بس لان مجتمعها كذا لازم سته وسبعه وثمانيه
المفروض ماتاخذ رأي احد وتفكر هي بنفسها ووضعها وتحملها غير كذا لو بتاخذ بالكلام فبنقول خلاص ولدك سنتين يالله احملي اسهل من الكلام مافيه

القرار لها هي وزوجها
اذا زوجها يبي ٦ و٧. .. تحمل الحين وتحط في بالها التعب والمسؤولية


الله يكتب لها الخير

طفلها لسه صغير خليه يكمل ويدخل التمهيدي اقل شي عشان تتفرغ للجديد

إذا تبي ستة تشد حيلها. معاد فيه وقت

وهالمجتمع اللي بتعنى عشانه بيحمل بدالها ؟
توحم بدالها ؟
بيطلق بدالها ؟
بيسهر ويربي ويعالج وووووووو


تسوي اللي هي مقتنعه فيه
ترا الدعوى مو مزارع فقيه
في اعتبارات اكبر واهم من هالمجتمع اللي شايله همه ولازم تكمل النصاب العددي بنظره ولا تظل امراءه ناقصه 🤒