رمانة الكويت @rman_alkoyt

محررة برونزية

أختي تزوجت .. لأنها اسمعت بنصيحتي .. تعالوا يمكن تستفيدون ..

بسم الله الرحمن الرحيم

السلام عليكم

اذكرو الله يا بنات .. وصلو على النبي ..

الحمد لله على كل النعم اللهم أدمها الينا وأدم علينا حمدك وشكرك ..

تمت وبحمد الله عقد قران اختي .. عمرها راح تكمل 26 سنة .. ادري مو كبيرة .. بس اللي اصغر منها متزوجة .. والصغيرة حييل مخطوبة .. ولله الحمد ..

اختي انسانة مترددة .. تتأثر بأي كلمة .. حساسة جدا..

دائماً يتقدم لها عرسان وتنخطب وبالمناسبات كل من شافها سأل عنها بنت منو وشسمها .. عطونا رقمكم بندق عليكم ..!!

تصرف فلوسها على كشختهاا وعلى لبسها بالمناسبات ولا تبخل على نفسهاا بشي ..

كل اللي تقدمو لها ناس زينة بس اختي دايما تستخير .. وبالاخير نطلع مو متفقين معاهم لاسباب منهم او منااا ..

صابها يأس .. دايما تفكر اذا تزوجت الصغيرة شنو راح يكون موقفهاا جدام الناس .. شنو الكلام اللي بيقولونه عنهاا .. ليش تزوجو الصغار والكبيرة لااا .. اكيد فيها عيب .. ومن هالكلام ..

جت تشتكي لي وتقول لي صدري ضايق .. بديت اكبر واتمنى اشوف بيت وزوج وعيال .. تعبت من كل عرس اصرف دم قلبي عليه عشان اكون بعيون الناس حلووه ..

مسكتهاا وقلت لهاا اسمعي يا فلانه .. لا تشكين ولا تيأسين .. احمدي ربج انتي عايشة بخيرونعمة .. اهلج يحبونج ورفيجاتج يحبونج .. موظفة وعندج خير .. وانتي يا كثر من طق بابنا واخطبج .. وبنات واجد محد طق بابهم ولا درا عنهم .. اسمعيني الناس كلامها ما يرحم .. واذا بتسمعين كلام الناس بتموتين قهرر .. لا تسمعين لاي شخص بالعالم لا أم ولا أخت ولا صديقة .. اعرفي نفسج وشنو اللي تبينه وتوكلي على الله واحذفي الدنيا وراج ..

بعدها اتصلت عليها رفيجتها تسألها عن رأيها اذا تقدم لها رجال مطلق وعندها عيال .. بس عمره مناسب لهاا.. قالت افكر وارد لج خبر..

شاورتني وقالت انا توني باول عمري وآخذ مطلق وعنده عيال .. رديت عليها وقلت لها استخيري ربج واذا الرجال زين توكلي واخذيه ..

بدت تسشتير امي وخواتي .. قالو اخذيه بس تخاف يرجع زوجته .. نخاف يجيب عياله لج .. نخاف ونخاف ونخاف ......

رجعت لي وشاورتني وقالت يمكن يصيرويمكن يصير وووو...

قلت لها اذا الرجال زين اخذيه .. واذا بتشاورين الناس بتضيعين كل واحد بيقول رايه من غير تفكير .. ترا محد يحس فيج غير نفسج .. وترا كلن لاهي بحياته .. قالت لو كنتي مكاني تاخذينه .. قلت لها اذا رجال زين باخذه وبتزوج وبشوف الزواج وبجيب عيال وبنات وبتصير عندي اسرة ..

قالت خلاص سلمت امري لله .. اذا طلع الرجال زين باخذه ..

لما ابوي راح يسأل عنه وعن أهله طلع رجال زين ومحترم وسبب طلاقه من زوجتة وما يفكر يرجعها لانه طلقها بالثلاث ..

ولما راحت اتسوي الفحص قبل الزواج نصحها ابوي وقال لها : يابنتي تراه رجال زين اقعدي عنه وبناته ماعليج منهم .. شوفي فلانة وفلانة تزوجو رياجيل عندهم عيال وكاهم عايشين ماصار فيهم شي ..

وتم عقد القران على خير .. وجت تقول لي بفضل من الله ثم مشورتج تزوجت .. لو سامعه كلام الناس يمكن ما اتزوج ..

من فرحتها بالزواج وصار اسمها متزوجة نست ان الرجال مطلق ونست ان عنده عيال وبدت اتفكر بالتجهيز وحياتها بعد الزواج ..

يارب اتمم على اختي فرحتها وتسعدها مع زوجها وترزقها الذرية الصالح ياااارب ...

ذكرت لكم قصة اختي يمكن وحدة فيكم تستفيد منهاا .. ونصيحه يا بنات لا تاخذون نصيحه من اي احد ترا مو كل الناس يفهمون .. اسالو العاقل الراكد الغير متسرع بالامور ..بعد الاتكال على الله ..

يارب توفق بنات حواء وترزقهم وتفرحهم مثل ما فرحت اختي وترزق كل بنات المسلمين وترزق بنت عمي عاجلا غير آجل يار ارحم الراحمين ..

لا تنسونا من دعواتكم ...

يلزم عليك تسجيل الدخول أولًا لكتابة تعليق.

تسجيل دخول

رجو الحلوة • 13 سنة

بالتوفيق لك ولأختك يارب الله يسخر لكم ويرزقكم من واسع فضله

١٩٨٩ • 13 سنة

الله يبارك لها ويوفقها

0قطرة مطر0 • 13 سنة

يعطيك العافية

رمانة الكويت • 13 سنة

الله يسلمكم ويبارك فيكم

اخت قطرة ماء حاولت ارسل لج بس انتي ما تستقبيل الرسايل

ارسلي ايميلج او عدلي الرسايل عندج

حلوه الصورية • 13 سنة

الله يوفقها ويتمم عليها بخير وعافية يا رب