أختي تستحي تروح لطبيب أسنان كيف أقنعها أن عادي؟

عندي أختي تستحي تروح طبيب أسنان صاار لها سنين ما راحت هي من النوع مهتمه فأسنانها وتفرشها لكن حاليا طلعت لها مشاكل تسوس فبعض الأسنان وضرس العقل مسببلها ألم، تسوي مواعيد ومن الخجل تتصل تكنسل وتقول اي عذر عشان ما تروح، انا عندي مشكله قبل ان أخاف اروح لكن مب خجل ولو مضطرة أجبر نفسي، بس هي تعبت أقنعها هي راحت سوت أشعه وقالها لازم تسوين حشوات في 4 أسنان وتشيلين ضروس العقل لانها مسوسة، من يومها هربت ولا راحت قلتلها بنروح عند دكتورة او دكتور لو تخافين تقول ماخاف بس استحي افتح فمي ويشوفون التسوسات ويقولون اني مهمله ولا مب نظيفة ويعطوني محاضرة ، ماعرف كيف اقنعها تتصرف مثل الاطفال وهي حرمة كبيرة ومعلمه، شو الحل وياها