أختي حامل في التاسع واتصلت علي تبكي...

السلام عليكم...الله يسعدكم اخواتي بستشيركم في موضوع اختي اصغر مني حامل ثاني حمل لها دخلت شهرها واحنا والدتنا متوفيه الله يرحمها ويجمعنا بها في جنات النعيم ساكنه في منطقه ثانيه زوج اختي حجز لها وقال روحي اولدي عند اهلك قصده ابوي الله يحفظه يقول صعبة تولدي لحالك وانا ماقدر اسوي لك شي هي تقول اخواتي بيجوني قصدها علينا بس هو يقول صعبه هم يجون..
المهم هي جات واستقبلتها حرمة ابوي استقبال حسبي الله عليهاا..
اختي جات هي وزوجها يسلمون على الوالد ويتعشون ويروحون شقتهم المستاجرة...وزوجها بيسافر السبت ويوديها بيت ابوي...
لما راحت اختي تلبس عباتها قالت لاختي علميني متى تجين بالضبط قالت اختي ماادري بس لاتنظري متى ماراح زوجي اجيكم لو عندك مشاوير روحي ردت عليهااا لا ياحبيبتي البيت بيتي وطبعا لا اهلا وسهلا ولا حتى حياك الله...
ايش رايكم اختي مرااا نفسيتها تعبانه وبس تبكي ..
هذا غير ازعاج عيال حرمة ابوي خمسه ورا بعض وكمان عيال اختها ازعااج مو طبيعي..
انا من زمان اقولها تعالي عندي بحكم اني اختك الكبيره وبقوم فييك وانتي والد علما انا ساكنه في نفس منطقة اهلي..
ايش رايكم يالخبيراااااات ايش اقول لاختي الله يجزاكم خير اسعفوني بالحل ...استنى ردودكم...