كوبونات الراقية تسجيل الدخول

SAMAH@
SAMAH@ •
لازم ترقي نفسك يوما مع قراءة البقرة واشكي همك لربك في سجود والركوع و دايما خذي من اثرهم عشان على طول بتجدد لك العين لانهم معكي قوي ايمانك بالله وراح تقدري تتغلبي على كل المشاكل حصني نفسك في صباحا ومساء لا تخليهم يشوفنك كثير و لا تحاولي تجلسي لي واحدك حاولي تخلي عطول القران شغل معكي او الرقية لم تجلسي كثير لي واحدك تعطي الجن فرصة يتقربون منك حاولي تشغلي وقتك بذكر الله وراح تحسي براحه والله ما في احلا من انك تشكي همك لربي الكون
ياااارب يا كريم يفرج همك ويرزقك بزوج الصالح ياااااارب مااااااااااا حزنت عليكي الله يفرج عليكي عاجلاغير اجلا
M S N
M S N •
khazna khazna :
الله يعينك بالمسبه لطريقتك يوم اخذتي وراها من الحنفيه ومسحتي وجهك صح هي كذا تاخذي من الاثر وتحطيه بمويه وتمسحي جسمك كله طيب مافكرتي تتقربي لاختك مثلا قوليلها اهتمي بنفسك انتي حلوه عدلي شعرك وملابسك مثلا من هالحكي علشان تحس انك تهتمي فيها اطلعي معها مشوار لمطعم مثلا على حسابك جيبي لها هديه مميزه هي اكيد حاسه باللي فيك زمنفرها وانتي بدون ماتحسي تعطيها اشارات انها شخص غير مرغوب فيه فهمتي علي وش رايك تجربين وشوفي يمكن قلبها يحن وتتغير الله يوفقك توني اشوف ردك اللي فوق اذا هم قاصدين هالحسد وعارفينه هذي سالفه ثانيه خلك لحالك وخصوصياتك حاولي لايعرفون فيها ولازم عندك احد في العيله تثقين فيه يساعدك على اللي انتي فيه واوصيك بالاول الدعاء الدعاء الدعاء ان الله يسهل عليك امورك كلها
الله يعينك بالمسبه لطريقتك يوم اخذتي وراها من الحنفيه ومسحتي وجهك صح هي كذا تاخذي من الاثر وتحطيه...


مشكورة اختي على ردج.. الله يكون بعوني وبعون الجميع يارب
للاسف الاثر كان محدود فمسحت بس وجهي والكفين لان ما كان كافي عشان امسح الجسم كله
والله ياما حاولت اتقرب منهم وكنت دايما احسن اليهم بس ما في فايدة
كانوا حاسديني على دخولي الجامعة رغم اني كنت اشجعهم على انهم يدرسون وكنت اروح لهم قسم التسجيل
وهو كلش بعيد عن باقي المباني اروح مشي في عز الشمس استفسر لهم واذا يجون يطلبون مني شي اسويه او يستفسرون عن شي اجاوبهم بس لما شفتهم لئيمين احسن لهم وكل ما احسن لهم يحقدون علي ويسيئون لي اكثر، وهم مو بس جذي وياي حتى ويا اخواني وقت حاجتهم يجون يسوون روحهم طيبين وبس تنقضي حاجتهم يكشرون عن انيابهم، وحتى مع صديقاتهم ياخذون خيرهم منهم وهم ينقهرون اذا صار لهم خير..
انا مؤخرا صرت ما اعطيها وجه، تعبت والله تعبت.. الاحظها كل تجي تكلمني.. اتجنبها قدر الامكان ولا اعطيها وجه لان من اوقف صوبها تطالع فيني بتدقيق في كل شي فيني او عندي، من فترة لبست بدلة فت على جسمي وانا دايما ثيابي فضفاضة بس ذيك المرة كانت البدلة مقاسي، فتمت تطالع منطقة البطن والصدر مدة طويلة كلش يمكن خمس دقايق تطالع بتدقيق خلال اسبوع ما شفت الا طالع لي كرش شكبره مو لحم عادي، لحم يقعد على جبدي كل ما اقعد وقوي كأنه ورم وقللت اكلي وقمت اكل زبادي والكرش للحين!
هي دايما تشتكي من الكرش ولما شافت ما فيني كرش صكتني بعين الله ينتقم منها، قبل كم سنة بعد ظلت تحن علي ما فيج كرش وما فيج كرش ما شفت الا طالع لي كرش بكبره حتى الخصر فيه كرش كأني حامل والحين بعد.. ومن فترة وانا البس سلسلة فيها ادعية للحفظ، صار لي اسبوعين احطها تحت القميص مرة وحدة خليتها فوق القميص بعد ظلت تطالعها مدة طويلة ومن ذاك اليوم كل احس رقبتي حارقتني اقول لا يمكن يتراوى لي بعدين ما شفت الا اثار على رقبتي احمر على بني مايل للاسود، بمجرد ما حطت عينها عالسلسلة، شمعنى هالشي ما صار الا يوم شافتها.. هاي اخر المواقف اللي صادتني.. هذا غير ان كل شي في حياتي متوقف بسببها من تمت تقول لي مرتاحة وبالج فاضي ما عندج هموم ما في شي اسويه واحصل نتيجته واذا حصلت نتيجة بصعوبة كبيرة وعقب محاولات عدييييييدة رغم ان هالاشياء نفسها اشوف باقي الاوادم يسوونها يحصلون نتيجتها من اول مرة بدون تعب الا انا الوحيدة اموري تتعسر وكل شي ما يعدي على خير الا بالدعاء والنذر او الرقية
للاسف هم قاصدين الحسد مو بس وياي، مع الكل مع اخواني والاهل وصديقاتهم والناس كلها يتضايقون من يشوفون عند احد خير.. دايما من تشوف عند ناس شي تقول اي عندهم فلوس، او عندهم صحة، او فلانة مستانسة مخلية زوجها خاتم في ايدها وهي جذي جذي ما تستاهل.. ما انكر احيانا بنات ما يستاهلون ازواجهم بس هي دايما حاطة بالها على الاوادم كلها وما تحب تشوف احد مرتاح
انا احاول قد ما اقدر ما اقعد وياهم بمكان واحد، ولا اراويهم الاشياء اللي عندي ولا اعطيهم اخباري بس هم وياي بنفس البيت وانا اقعد بالمجلس مو كل شي اقدر احطه فيه واضطر ادخل داخل فاشياء وايد يعرفونها عني، او امي تعرفها ودايركت تروح تخبرهم رغم انها تدري اني مابيهم يعرفون اخباري، عندي اخت وحدة تعرف شوي عن حياتي، تعرف ان عندي مس وقلت لها ان صايدتني عين بس ما قلت لها ان خواتي هم اللي صكوني بالعين لان علاقتها فيهم زينة ويمكن ما تصدق، هاي الاخت بعد كانت ما تحبني وكل خلافات بس عقب ما تزوجت وتحولت صارت وياي زينة 180 درجة غير عن قبل ! بس هي كل تقول لي ان نومي بالمجلس هو السبب لان المجلس مسكون تقول هذا اللي عافس حياتي، بس انا احس تاثيره يهون قدام عين خواتي لان كل ما يشوفون شي او يعلقون عليه ينقلب 180 درجة :(
انا حاليا احاول اواظب على الدعاء احيانا يكون عندي عزيمة واحيانا امر بفترات انتكاس ان شاء الله تزول قريب
مشكورة اختي على ردج ومواساتج لي الله يجازيج الف خير يارب وينفس عنج كل هم وكرب
M S N
M S N •
mooon1412 mooon1412 :
لا يمكنك مشاهدة هذا التعليق لانتهاكه شروط الاستخدام.
امي مع الاسف صارت وياي زينة اول ما دخلت الجامعة، بس من تجيب سيرتي يهاوشونها وكل يشوشونها علي وبعدين انقلبت علي 180 درجة، وهم جذي حتى مع اختي كان زواجها ذيك الفترة كل يشوشونها على اختي ودايما يشوشون امي على اخواني ، قلوبهم نجسة ما يحبون احد واذا صاروا مع احد زينين بس عشان مصلحة منه.. امي تغيرت علي كلش وصارت كل تختلق لي مشاكل، بس من قمت اشغل سورة البقرة صارت ما تتحجج علي لكن مو مطمئنة احس ما اقدر اقول لها عنهم ويمكن توقف في صفهم

انا اتحاشاهم قدر الامكان اصلا اخاف ادخل المكان اللي هم فيه وماروح الا اذا كنت مضطرة كلش

المشكلة ماشوفهم يشربون ماي احيانا يشربون شاي او عصير بس المشكلة انه وسخ فاستكره امسح جسمي فيه، الحمد لله القرآن شغال تقريبا طول الوقت- كنت اشغل بس سورة البقرة والرقية الشرعية
بس هالاسبوع قمت اشغل رقية الصاعقة وسورة ال عمران ويس بس الظاهر ناقصين يبي لي اتاكد

الاذكار والاستغفار يبي لي اكثف منهم، بس حياتي مخربطة واحيانا ما يكون عندي مزاج بس لازم انظم حياتي واخصص لهم وقت كافي

مشكورة اختي على ردج وتشجيعج
لون الموج
لون الموج •
يا اختي امسحي المحل الي مسكته افوطه مبلوله وحطيي الفوطه بماء كثير واغتسلي بل ماء
M S N
M S N •
اسومة2007 اسومة2007 :
اول شي مافيه شي اسمه كشف بالقراءن يمكن اللي رحتي له مشعوذ مو شيخ ثاني شي يمكن فيك حسد واذا كان لازم ترقين نفسك رقيه كامله حتى تتشافي مو تشوفي نفسك خفيتي شوي وتتركيها لا ضروري تكملي وافضل شي انتي ترقي نفسك والاستغفار لاتتركينه واذا ناموا اهلك امسحي عتبه الباب والمقابض بفوطه رطبه وحطيها بطشت فيه مويه وافركيها شوي واستحمي فيها او عبس نوى التمر نفس الطريقه بس افركيها بالماء ولو تقولي انتي في اي منطقه (اذا كنتي في السعوديه)حتى يذكروا لك البنات شيخ ثقه مع ان لهجتك تدل على انك عراقيه والله يشفيك ويعافيك يارب
اول شي مافيه شي اسمه كشف بالقراءن يمكن اللي رحتي له مشعوذ مو شيخ ثاني شي يمكن فيك حسد واذا كان...
انا شفت بنات يتكلمون بمنتدى مرة وحاطين ارقام شيوخ وناس يسوون كشف بالقران
فسويت مرتين وما كانوا شيوخ، الاول قال المسالة فيها سحر وحسد
الثاني فتح القران وطلعت له سورة الفلق وقال لي حسد قوي
واللي تعالجت عنده شيخ يعالج بالقران ناس وايد يمدحونه ناس وايد تشافوا عقب العلاج عنده
الا انا :(
اي هاي المشكلة، بس في كثير من الاحيان يكون السبب عراقيل تمنعني وهالشي يصير غصبا عني
هالفترة ما لي نفس اقرا الرقية استغفر الله.. بس اسمعها بالهيدفون، والاستغفار يبي لي اكثف منه
فكرة الفوطة وايد حلوة بس مادري اذا يناسب اسويها او لا، يعني ممكن تمشي مع اختي الثانية بس اختي الكبيرة هاي دقيقة بشكل ماحد يتصوره يعني اقل حركة في اغراضها او اقل اثر تلاحظه، بس عقب ما امسح المقبض بماي بمسحه بكلينس عشان ما تشوف اثر الماي ولو اني اخاف تحس علي وانا امسك المقبض ههههه بس لازم اجازف لان المسألة كلش هامة
ما فهمت شنو عبس نوى التمر؟
لا انا مو من السعودية، مؤخرا اخذت جلسة بالقران كنوع من الدعم والباقي بكمله بنفسي لان فلوس شكثر طارت مني وحياتي من قبل ما صار فيها تغيير الا بالاعتماد على نفسي بقراءة الرقية العادية او سماع الصاعقة وتشغيل سورة البقرة، بس حاليا رجعت التعقيدات لحياتي واحاول اجتاز المرحلة هذي مرة ثانية

مشكورة اختي على الافكار والدعوات الطيبة، الله يجازيج الف خير