أختي البنت المراهقة مشاعرها منفعله جدًا استغرب من الناس اللي يعطون البنت جوال خاص

احنا البنت إلى الثانوي تراسل صديقاتها من جوال أمها وكل حساباتها من جوال أمها

ماراح تجدي حل ?لا المنع لا جوال ولا لابتوب

البنت اللي تكلم شباب خطير على قلبها البنت مشاعرها ضعيفه مو مثل الولد الولد ممكن يلعب بالبنت ويناساها البنت لا قلبها أضعف لازم من الحزم معها

الولد غالبا يرهبه العواقب ولذلك هو ذكي إذا فعل ذلك البنت لا تفهم العواقب لأن مشاعرها في هذا السن طاغيه

الحل الوحيد المنع المنع المنع حتى لا تفقد براءتها ممكن يعلمها الفساد والفجور ويقضي على أدبها وبراءتها

أستغرب من اللي يحطون لبناتهم الصغار حساب انستقرام ويشوفون تعليقات الشباب اللي من كل العالم حتى من بلاد بعيده ومع ذلك عادي عندهم وبعضها تعليقات ما نفهمها حنا الكبار فكيف بالصغيره البريئة !


حافظوا على براءة بناتكم !

وحده في المتوسط تسأل صديقاتها اش معنى (... ) بالفرنسي لأنها تراسل واحد فرنسي وهي دارسه لغة
يعني تسألهم عن الشيء اللي يكون بين الرجل والمرأة !

ولما استدعوا المدرسة أمها انهارت يوم شافت حال بنتها اش وصل !

البوابة إذا انفتحت صعب إغلاقها!

يا حبيبتي طالما النصح و الأرشاد و المداراه مانفعت معها و مازالت ماشيه بهالطريق ولا معبرتكم
مافيه حل غير الحزم و العين الحمرا
ماضرنا شدو علينا أهلنا و ما خلونا على راحتنا و الحمدلله ما ضرنا
بنتي بعمر أختك و أحيانا ألاحظ عليها بعض التصرفات ألي ماتعجبني و أخاف تغير سلوكها
جيتها بالهدواه و بالأسلوب الحلو و بالنصح و لا فااااااد عقبها حمررررت عيني
و سحبت الجوال و قلت متى ماتعدلتي رجعته هذا وهي ما وصل الموضوع لمكالمات شباب
مجرد تقعد عليه فترات طويله مع صاحباتها
كنت حااااازمه معها وسحبت الجوال وقلت يا تنضبطين أو بسلامتك
و حطيت شروط الجوال ما يستخدم غير بأوقات معينه فقط و بعدها تجيبه عندي
قلت عجبك أهلا وسهلا ما عجبك براحتك
زعلت و طنقرت و أعترضت و أنا يا جبل ما يهزك ريح
كلها كم يوم و رضخت لأوامري و مشي الحال
أما تتركونها على هالحال صعب
نعم مراهقه ما قلنا شي لكنها مو مجنونه ما تستوعب
مو عشانها مراهقه نتركها براحتها و على كيفها لا حبيبتي هذا يسمونه دلع زايد
هي أخطت و تتحمل النتايج أنتم ما راح تعاقبونها بدون سبب ؟؟ هالشي تعرفه زين
لكن سكوتكم عنها و مداراتها بتخليها تفكر أنكم خايفين منها !
لابد من الحزم بهالحاله ......و بتعرف أن الله حق ....

الحل المنع لحد ماتنسى هالاشياء ويطيب خاطرها منها وعوضوها بالاحتواء والترفيه والزيارات لاتجلس لوحدها

الله يعينكم

اكثروا من الدعاء لها

وشوفوا مين صديقاتها

وحاولو تقربونها من صحبة صالحة

احنا الان ماسكين معاها اسلوب الشد 
نراقبها ايش تشوف وايش تكلم 
والمشكله بصحباتها ينقو افكار لعقلها 
انهم يكرهو امهاتهم م يحترمو احد 
وللاسف اشوف اختي تطبق كلامهم ب أمي  تقولها انتي السبب في منع للجوال اي شيء تحطه براس امي والله تعبنا معاها ابغ حل وسط 
😞😞😞😞