سلام
مشكلة حياتي هي اختي اللي اكبر مني وهي الكبيرة بين اخواتي وانا بعدها
قلبها مرره اسود ونظرتها للناس والحياة سلبية ماتشوف الخير منهم ولا الايجابيات واحس تنشر الكئابه في اي مكان تدخله حتى عيالها احسهم مو طبيعين ومعقدين
تجيلها اوقات تكره الناس كلهم وتجلس في بيتها لشهور وماتطلع وان سولفت معاها تقولي فلانه كافره وفلانه بتدخل النار لانها كذا كذا تخيلو تكفر الناس!!!!
المشكله انه عندي خاله ( اخت امي) اكبر مني بسنتين يعني كبر اختي بس علاقتي معها مررره قويه وزي مايقولون ( البست فريند(
وهي ماعجبها علاقتنا وحاولت تفسد فيها
كانت كل يوم تتصل وتتكلم فيها وان درت انها جاتني اوطلعنا مشوار تتصل كل شوي وتكلم عليها
سوت لي قلق بحياتي لين ابتعدت عن خالتي عشان تركد شوي
المشكله انه زوجي وزوج اختي اصدقاء مرررررررره وان ما طعت اللي تبيه راح تفسد بينهم وادري انها تقدر
والحين قبل يومين خالتي اتصلت وهي تصييح تقولي وش غيرك علي وليش ماتتصلين
اخر مره شفتها بعيد الفطر وبعدها صرت اتجاهل اتصالاتها
والحين نفسي اعزم خالتي لبيتي ومابي اختي تدري
ان درت بتجي تقلبها نكد وهواش وان ماقلت لها بتزعل وبتقاطعني
نفسي ارجع علاقاتي بالناس احس صرت نفسها كله جالسه في البيت وان طلعت رحت بيتها بس
حتى لما اسولف لها عن خرجاتي مع اهل زوجي تحقد علي
مدري وش اسوي اختي تكسر خاطري احسها مريضه ومابي اخسرها وبنفس الوقت ودي ارد علاقتي بخالتي
عطوني حل كيف اعزمها لبيتي بدون ماتدري اختي
مابي اقول حق خالتي لاتعلمين احد احس بطيح من عينها
):
يلزم عليك تسجيل الدخول أولًا لكتابة تعليق.
ما ظن فيه اخت قلبها اسود على اختها
بس يمكن عندها حالة اكتئاب وتبي احد يوقف جنبها
ليش ما تعزمينها وتهتمين فيها اكثر من خالتك قدامها بس مؤقتا وشوفي شبيصير يمكن تتغير للاحسن
بس يمكن عندها حالة اكتئاب وتبي احد يوقف جنبها
ليش ما تعزمينها وتهتمين فيها اكثر من خالتك قدامها بس مؤقتا وشوفي شبيصير يمكن تتغير للاحسن
الصفحة الأخيرة
اختك تتاثر لما تسمع انك طلعتي مع الناس هذا يدل على انها تحب الطلعات بس يمكن ماتعرف تكون علاقات ناجحه
لا تزعليين عليها كلميها بهدوء علميها ان الناس يبون اللي يجاملهم يبون وحده لسانها حلو
واذا حشت في احد قدامك قوليها ان الغيبه حرام ولا علينا من الناس
واطلعي انتي وياها اسواق منتزهات مو لازم جمعه في البيوت
كل ماتحتك بالناس اكثر بتحب الطلعات ولا عاد هيب مسكره على نفسها بالشهور