أختي كشفتني بدون ما أقول لها

السلام عليكم ورحمة الله وبركاته

موضوعي واضح من العنوان:icon28:<< يافرحة أمك فيك:22:

أختي المتزوجة وساكنة بمدينة ثانية بعيد عنا أكتشفت عضويتي بحواء بدون ما أقول لها
وكنت حريصة ما احد يعرف اسمي بحواء حتى اقرب الناس لي خواتي
لأني من النوع إذا ضايقني شيء ما احب اشكي للي حولي واضايقهم معي
فكنت حابة إذا صار شيء ومالقيت من أستشيره استشير خواتي بنات حواء


لكن للأسف اكتشفتني:hahaha:
واتصلت وقالت انتي فرج ربي قريب وكاتبه كذا وكذا بالقسم الفلاني :D
قلت وش دراك انا ما علمت احد من علمك :blink:<< على طول اعترفت بدون ضعظ أو إنكار هههههههههههه
قالت قريت لك مشاركة بالصدفة وانا اقرى بالمنتدى وعلى طول عرفتك من كلامك عن شيء صار لك انها انتي:icon8:

قلت اي هذي أنا يا زيني وياملحي اذكري الله علي:33:



الشاهد من كلامي هذا اللي يكتوبون قصصهم مع حمولتهم او ازواجهم بالتفصيل راح يعرفونها اللي حولها اكيد بمجرد ما يقرون القصة مو حلوة بحقها تطلع حشاشة القرن الواحد والعشرين << اقصد حش النت :hahaha:
بدال ما وحدة نمامه تنقل كلامك عنهم
النمام النت ينقله بالحرف الواحد بدون ما ينسى ولا حرف ههههههههههههههههه


وبعد حتى لو ما حشيت بأحد يمكن تقول شيء من خصوصيتها ماتحب قرايبها يعرفونه هي بنفسها تنشره وتقول حسبي الله عليهم يراقبوني


فكل وحدة تحاول قدر المستطاع تحفظ لسانها عن ذكر الناس حتى لو كان نت فوق انه حرام وغيبه يمكن يضرها بعلاقتها بزوجها وقرايبها




والحمد لله انا ما سويت شيء غلط يوم كشفتني اختي لكن العنوان للتنبيه
ولا تكلمت بأحد لكن كنت ابي لي خصوصيتي
وحبيت انبهكم ممكن اي وحدة يصير لها اللي صار لي واحد يعرفها ولا يقول لها ويتابعها بصمت
وهي تساعده يعرف ادق تفاصيل حياتها بجهلها وعفويتها لأن اللي بقلبها على لسانها


والله يحفظكم
:39: