أختي محتاجه نصيحتكم...

السلام عليكم ورحمة الله وبركانو.
بدخل باالموضوع على طول هاذي قصت أختي مسكينه متضايقه باالحيل ودها تأخذ رايكم وتبيكم تساعدونها
أختي متزوجه صار لها سنه و3 شهور وعندها بنت وساكنه معا أهل زوجها.
علا قتها زينها معاهم بس عندها مشكله واحده ان أم زوجها كل أسبوع تفتح معاها موضوع بيت أهلي أختي كل أسبوع تروح بيت أهلي يوم الخميس وترجع الجمعه معنا بيت أهل زوجها قريب من بيت أهلي.
أم زوجها ماتبيها تنام تبيها ترجع بنفس اليوم معنا زوجها راضي لها تنام وهو مسكين عشان متكلم أمي طول الاسبوع والبيت جنب البيت وتروح يوم الخميس.
وتكلمت أمه معا بس هو يسكت مايرد عليها ولا يسمع لها.
وساكنه معاهم بنت حماتها(بنت أخت زوجها) وتنقل حق أختي كل شي يقلون عنها وهي صبوره ولا تشتكي دايم تقولي احسهم مايحبوني.المهم الكلمه اللي قالتها أم زوجها وضايقتها(يا أنها تتسنع هي وزوجها ولا بيتي يتعذرهم)
وهي في البيت ماعندها غير غرفتها صغيره وحمام انقهرت وقامت تصيح وجلست تشتكي حق مرت حماها وقالت لها بخليش تدخلين معا أم زوجها الغرفه وكل واحد يقول اللي بخاطره وهي توهقت اللحين تقول شقولها؟