أختي مريضة ومرضها يزداد والاطباء يقولون سليمة

السلام عليكم ادري موضوعي مهو في القسم المناسب بس ياليت ماينحذف .........
حالة اختي تكسر الخاطر ومن حال سيء الى أسوا
وديناها لكذا طبيب ويقولون مالقينا شيء سليمة بس المصيبة ان المرض يتفاقم
وعشان كذا راح اكتب حالتها بالمنتدى يمكن وحدة قد مر عليها المرض
او تعطوني رقم طبيب ممكن اكلمة واستفسر عن مرض اختي

البداية قبل سنة وزيادة كنا نحس انه صوتها تغير في بعض الاوقات وكانت تقول انها تحس ان الصوت يطلع مع خشمها
فوديناها لطبيب على انه لحمية صابتها قال سليمه
وبعد ماتغير صوتها بالمره وخاصة لما تجهد نفسها وديناها لطبيب قال يمكن فتحة فوق في الفم ومالقى شي قال بنسوي اشعة مقطعية قال سليمة

بعدها صارت تحس بثقل في لسانها ولما تتكلم يوجعها حلقها بقوىوصارت لها صعوبه في الاكل والشرب لدرجه ماتعرف تشرب بالمصاص لانهاماتعرف تشفط
وشكل لسانها تغير احس كان اطرافة ميته


بعدها مادري اذا هاذا له علاقه بمرضها لاحضنا انه عينها تصغر (شكلها تغير) والعدسة ترقى لفوق ولما تغمض عينها كلها اليمنى ماتسكر (يعني تضل مفتوحة)
والحين اختي تحس بوجع براسها والنضر صار عندها ضعيف بشكل كبير
واحيانا ماتعرف تتحكم بيدها
تكفووون ساعدوني والله اني ابكي وانا اكتب موضوعي تركت الدراسة لانها خلاص ماتعرف تتكلم
ياليت الي تعرف أي رقم دكتور ممكن يعرف حالتها تعطيني