أختي معقده جدااااامن الرجال وانا اللي ادفع الثمن

الصبر والدعاء ولا تتعجلى الإجابة ،فقد وعدنا الله سبحانه وتعالى قائلا فى كتابه العزيز(إن مع العسر يسرا إن مع العسر يسرا" ،وأذكرك أختى فى الله بالصبرررررررررر والدعاءءءءءءءءءءءءءوأن لاتتعجلى الإجابة،وبين طرفة عين وانتباهتها يغير الله من حال إلى حال.:26:

كلامك عن اختك جدا قاسي ليه ياطير الخير...!
بصراحة أختك كسرت خاطري ادعي لها لانها تعبانة والحمدلله فرحت يوم قلتي انك تصلين وتدعين كل ليلة
بس لاتستعجلين (فإن مع العسر يسرا* إن مع العسر يسرا)
ان شاءالله ربي بيستجيب لك ..
وإذا أهلك موافقين تتزوجين قبل أختك تزوجي وين المشكلة

اختي طير الخير عندي لج حل رهيييييييييييب ومجرب هذا الحل ونجحوا اللي جربوه.

بس اول شي بسألج قبل الحل لأن هذا شي مهم على شان تجربين الحل.

اختج راضية انج تتزوجين قبلها؟ اذا كانت راضية وماعندها مشكلة فأسمعي.

في مرة وحدة عندها بنتين . وطبعاً بناتها مافيهم عقد ولا شي بس ان بنتها الصغيرة انخطبت قبل الجبيرة

الام احتارت وماهي عارفة شلون تقول لبناتها وخصوصاً الجبيرة تخاف عليها انها تنجرح او تتأثر
هذاك اليوم قامت تحاجي نفسها وصاروا الناس اللي متقدمين لبنتها يتصلون ويسألون الام ها كلمتوا البنت
مع العلم ان الناس اللي خاطبين البنت الصغيرة يدرون ان عندها اخت بس ما يدرون من الجبيرة فيهم
المهم تشجعت الام هذاك اليوم وحطت بناتها اثنينهم وفاتحتهن بالموضوع واول شي اخذت راي الجبيرة
جان تقول البنت الجبيرة: عادي ما يخالف اذا اختي راضية لا تقطعون رزقها بسببي.

المهم الام فكرة وفكرة لين مالقت لها هذيك الفكرة الجهنمية لأنها يوم تيقنت ان بنتها الجبيرة راضية بزواج اختها الصغيرة قبلها خافت على سمعت بنتها الجبيرة من حجي الناس عليها اكيد الناس مايخلون واكيد بيقولون ليش الصغيرة تزوجت قبل الجبيرة اكيد الجبيرة فيها علة ووووووووووو ومن هالكلام اللي يبط الجبد.
المهم قامت الام وخلت عمر البنت الجبيرة للصغيرة يعني مثلاً بنتها الجبيرة 24 سنة والصغيرة 23 سنة
بادلتهم بالاعمار خلت الصغيرة 24 سنة والجبيرة 23 سنة بس وهذي السالفة وزوجتها وبعد زواج بنتها الصغيرة بجم شهر انخطبت بنتها الجبيرة وتزوجت ولا ضرهم ماشاء الله والله ترى هذي صايرة صج .

بس اهم شي لا يصيرون اللي يخطبونج من القرابة عاد هذي جايدة ماتترقع ولا يكونون الخاطبين من طرف القرايب او اذا انتي تثقين بقرايبج علميهم بهذي السالفة .
واهم شي بعد يكون الريال اكبر منج بجم سنة .

وبعدين اختي اخذيها نصيحة اذا احد تقدم لج اكيد بيسألون امج ليش الجبيرة ماتزوجت للحين لاتقولهم امج انها رافضة فكرة الزواج ترى هذا يأثر عليج خلي امج تختلق لها اي عذر .ولاتعلمون احد رفضها للزواج.اسكتوا مو بعدين كله يطيح على راسج انتي وراس امج. خلي امج تتحاشى الاجابة اذا سألوا عن اختج ولا تقول هذي صغيرة وهذي جبيرة تسكت وبس .
بيسألون عن عمرج قولي لهم العمر وبس. لاتكثرون وياهم وعليج بالدعاء والصلاة والاستمرار على قراءة سورة البقرة وبتشوفين النتيجة.

اذا سئلكم احد عن اختك ليه ماتزوجت قولوا انها مخطوبه وفيه ناس متكلمين عليها بس لازم امك تتعاون معك بهالموضوع وتكونين انتي وامك متفاهمين وانتي معلمتها باللي في خاطرك
واذا انخطبتي ان شاء الله قولي انفكت خطبة اختي.
الله يرزقك الرجل الصالح اللي يسعدك في حياتك وتأكدي ان لو لك رزق بتاخذينه توكلي على الله وفوضي امرك له.
والله يشفي اختك ويعافيها والمفروض انك اهلك مايسكتون على وضعها لازم يواجهون مشكلتها ويحلونها .

تصدقين بالله ... انا مو مصدقتك
مادري ليه؟


احلفي بالله انك صادقه بكل كلمه تقولينها ....