أختي ... والشهرة

السلام عليكم ,,

مساكم خير يارب ..


بنات المشكلة مو مشكلتي انا.. مشكلة اختي
وانا لو كانت مشكلتي تهون مو مشكلة اختى الي مو قادرة احلها !!!

المشكلة باختصار انو اختي سنة سادس ابتدائي
وهيا ماشالله شاطرة في دراستها
مشكلتها انها تبغا تسير مشهورة باي وسيلة
تبغا تسير مشهورة في المدرسة ومعروفة .. وتطلع في الاذاعات


وهيا ماشالله شاطرة .. وحتى حلوة وشقرا وشكلها مميز

واليوم بتقولي ومن زمان تقولي " ابغا اسير مشهورة واطلع في الاذاعات"

وانا بحكم اني درست في مدرسة خاصة ما اعرف كيف

يعني كنا كلنا مشهورين لاننا اصلا قليل..

وكانو الابلات يحبوني ويختاروني لاني مؤدبة ..

مني فاهمة ايش اقلها

قلتلها اهتمي بدراستك

قلتها انت اشتركي بنشاطات وخليكي شخصية وواثقة ..

بس تقولي لما نقول للابلة نبغا نشترك في الاذاعة تصرخ علينا

وغير كدا هيا تكره بنات من فصلها " الي هما من النوع الشاطر الي الكل يخاف منو "

يعني مني عارفة ايش اعمل وربي صدعت راسي من كتر ما تحكيني !!!

واليوم صرختلها وقلتها خلاص طفشتيني يمكن منتي عاجبتهم ما يبغو يختاروكي !!

والله يا بنات مراااااااااا تحزني ومني عارفة ايش اعملها

المشكلة عمري ما مريت بتجربتها .. كنت دايما مشهورة وشاطرة

ما ادري ليش هيا كدا

والي درس في مدرسة حكومية يعرف اكتر


بليز قوليلو ايش اسوي معاها ,, كيف اخليها تنشهر وتحقق ذاتها !!



تحيتي ,,