أختي وبنتي

بنات ماأدري وش أسوي 😭
أصغر أخواتي تعامل بنتي الكبيرة معاملة شينة
مرة زارتني اختي وصارت تطبخ في مطبخي وبنتي كانت عنذها ماادري وش صار لاني ماكنت عندهم الا اسمع انها عطتها كف على وجهها وجيت واتذكر بنتي طلعت وراحت غرفتها وهي كاتمة الصيحة
بنتي عمرها سبع سنوات تقريبا وحساسة وكتومة نسخة مني في الشخصية والشكل كمان
انا لما صار هالموقف هاوشت اختي بس والحين لما اتذكر انقهر كان ودي لو اتخذت موقف حازم اكثر مع اختي


ومرة ثانية رحت زيارة لامي وكمان ضربتها وماانسى شكل بنتي وهي تروح عالسرير وتحط يدها على وجهها وتصيح ووقتها هاوشت اختي هوشة كبيرة وصارت مشكلة وامي تدخلت وزعلت وسالفة
اختي مو صغيرة ولا مراهقة وقد تزوجت لكن ماكتب ربي نصيب يعني ماعندها عذر على هذا التعامل
وبشكل عام هي عندها نفسية في التعامل حتى امي وانا نتاذى منها يعني تعاملنا حسب النفسيه اذا نفسيتها حلوة تصير طيبة وماتسوي شي لبنتي واذا نفسيتها شينة ومعصبة تنفخ ووتهاوش وتروح غرفتها وتسكر على نفسها وتهمش بنتي يعني تجي تكلمها وهي تسفها وتقول لها بوجها انتي كذا وكذا: انتي مزعجة ، انتي تنرفزيني
وعلاقتي معها سطحية وهي وأختي الثانية هم فريق مع بعض وانا لحالي من زمان كذا الوضع واسولف معها حسب النفسية بسطحية
اتذكر فترة مابعد الحجر لما فتحوا كنت بالياله ازور اهلي عشان تعاملها واخلاقها ونادرا اخليهم ينامون عندهم لحالهم بدوني ولما تزوجت اختي كنت ارسلهم


السال انو قبل يومين زوجي حط بناتي عند اهلي لظروف معينة واليوم لما اخذهم اشوف بنتي طول الوقت كيف اقولكم كأنها طافية، وهي في الاساس شعلة من النشاط والكلام والفرفشة، اليوم كانها تعبانة بس ماهيب تعبانة مافيها لاحرارة ولاشي ووتلعب مع نفسها وتكلم نفسها بصوت واطي واحسها مكسووورة ووجهها يقول فيها شي انا امها واععرفها
اجي عندها واسولف معها وقول لها وش فيك تعبانة صار ماترد علي تكمل لعبها واسالها احد سوالك شي وزوجي يحسب اني اقصده لانه يشد عليهم احيانا وهو يرد يقول لا ماسويت لها شي
انا اعرف اختي زين واعرف عندها عقد معينة من طلاق امي اللي صار وهي صغيرة ومثلا ومن طلاقها هي بس هذا موعذر يعني انا الحين عشن تعاملها مضطرة احمي بنتي وهي عاطفية جدا واحفظها من العقد ولاوالله مااقبل تحط حرة عقدها في بنتي
بنتي اعز علي منها
علموني وش اسوي
والله يجيني اتحسب عليها لان هذي المعاناة مو قصيرة وافكر اصارحها واقول كيف تبين ربي يوفقك وانتي تعاملك كذا واخلاقك كذا ومؤذية
والمشكلة اني مضطرة خلال هذي الظروف احطهم عند اهلي عالاقل يومين في الاسبوع وشايلة همممم الله به عليم
وطبعا زوجي ماراح اقوله شي ولاول اقوله رح يعصب وتكبر المشكلة