أختي وزوجها وعيالها متهاونين بالصلاة وشلون أنصحهم ؟

السلام عليكم

أختي وبناتها جايين عند أهلي زيارة ومشكلتهم ا مايصلون بالوقت نهائي يعني مثلا الفجر ماتصليها أختي إلا بعد ماتقوم الساعه 9 أو10 ص ونااادر تصليها بالوقت مع إني اصحيها ..أختي هذي كبيرة 45سنة ..وبناتها بالكليه 19 و20 سنة ماينامون إلا بعد الفجر ولايصحون إلا بعد العصر ويقومون يصلون الظهر والعصر بوقت واحد
نصحتهم قلت صلوا وناموا حرام عليكم قالوا لااااا أرجوك ياخالة لاتضايقيننا قلت حرااام وتكلمت بس مافي فايدة .. أما الولد الصغير بخامس ابتدائي كان قبل يوم كان صغير يصلي ويتحممممس وكنت مرررة أحبه وهلحين صاير زي أمه وخواته مايهتم بالصلاة .. مالقى أي تشجيع من أمه ولا أبوه وهم قدوته ينامون عن الصلاة بالله وشلون بيحافظ عليها وأمه وأبوه وأخوه الكبير وخواته الكل نومى وتأخير الصلاة أمر عاااادي
نصحت أختي قلت ليش تحرصين تصحينهم للمدارس وللجامعه ولاتحرصين ع الصلاة حرام تراك مسؤولة بس مافاد بها أبببد الحمدلله الذي عافانا بسسس
أنا أبي حديث أو تفسير آية في تأخير الصلاة وأبي منكم تساعدوني بطريقة تأثر فيهم عجزت عنهم
وللأسف أمي وأبوي مايتدخلون أبد ولا يدرون هم صلوا أو لا بس أنا عماله صلوا صلوا واحسهم كرهوني وهلحين أسكت بس ودي انصحهم بطريقه مؤثرة ساعدوني تكفووون
ياااارب الثباااات