عواطف تركي :

كيف تبحث عن الاحترام والتقدير عند زوجها وهي ما اعطت نفسها هذا الشي ؟ محد يقدر يستقوي على شخص الا اذا شافه ضعيف ومستسلم ومتنازل عن كل شي حتى الكرامه برضاه وقبوله محد اجبره عليه واكبر خطاء يرتكبونه الزوجات انهم يشحذون الاهتمام والحب والتقدير او يدفعون ثمنه مادياً ويكون الوضع مساومه واستجداء تعطي فلوس وتقدم خدمات وتهلك نفسها بالركض خلف الزوج لأجل ان تكسب منه لحظات اهتمام وبالنهايه تكتشف انها استنزفت مشاعرها وتعبت نفسيتها واهدرت كرامتها على الفاضي يعني ايش ؟ يعني لازم توقف الاخطاء اللي تسويها وعلى رأسها لعبة العطاء المادي لان هذا الدور ما يناسبها اللي بيعطي فلوس او يقدم خدمه لا ينتظر من وراها اي معروف او رد جميل يعني يكون لله فقط اما اذا تعطي والنيه انتظار رد جميل او استعطاف وكسب رضا فلان او تتسابق مع فلانه اللي اعطت ومدحها خليها توقف افضل لها لانها ماراح تستفيد شي . وشكلها من النوع الطفولي الغيور واللي على نياته يقول لها زوجها فلانه اعطت وفلانه سوت وخدمت عشانه عارف انها بتغار منهم وبتتسابق معاهم وتعطيه وصار يستغل هذا الشي . واذا فلانه اعطت ليش تغار منها ؟ تراهم اهله عساه يمدحهم لبكرا خليها تكون ذكيه وتمدحهم مثله بدال ما تدخل في سباق معاهم . يعني هم 4 نقاط خليها تركز عليهم - تحط لنفسها قدر وقيمه واحترام ولا تكون ضعيفه متنازله عن حقوقها وتضيع عمرها تلهث خلف زوجها وتنسى نفسها - توقف العطاء المادي وتجمعه لنفسها ولاهلها لان محد يضمن مستقبله - لا تحط نفسها بموضع مقارنه مع اهله وتغار منهم لانها لا شعورياً صارت تبي تتسابق معاهم عشان تكسب اهتمام زوجها . - وبخصوص بحثها عن الاهتمام نصيحتي لها تهتم هي بنفسها وتدلل نفسها وتمدح نفسها وتحب نفسها لان محد راح يعطيها هذي الاشياء اذا هي ما اعطتها لنفسها .

كيف تبحث عن الاحترام والتقدير عند زوجها وهي ما اعطت نفسها هذا الشي ؟ محد يقدر يستقوي على شخص الا...