أخباركم؟؟:)
المشكلة هي أختي الصغيرة هي موصغيرة .. أتخرجت من الكلية بس المشكلة في شخصيتها
مو راضية تتطور وتعدل في نفسها..
أفكارها طفووولية مرة يعني لو تقعدي تتكلمي معاها تفتكري نفسك تكلمي بنت عمرها 10 سنوات:09:
حاولنا إنها تقرأ كتب عن تنمية الذات وتطوير الشخصية لكن مافي فايدة
على طول دمعتها على خدها اذا جا أحد وكلمها كلمة ماعجبتها
واذا جلست مع صحباتها ماتقدر تتكلم وماتعرف تناقش او تفتح موضوع:44:
هي مسجلة معايا في المنتدى بس ولا رد ولاموضوع ...بس تقرأ ولما أقولها شاركي تقول(ماأعرف..ماأدري)
حتى ملابسها ماتعرف تختار ..
البارحة طلعت السوق بشتري لاطفالي ملابس قبل لاتطلع الاسعار.. قالت بروح معاك.. مريناها انا وزوجي وربي تعبتني اكثر من عيالي
يابنت خذي البلوزة هذه قالت(ماأدري)
عجبك الطقم هذا؟؟( يمكن)
وعلى كذا هذه هي ردودها على طووووووووول
وبالاخير انا اشتريت لها على ذوقي ورحيت دماغي
ابويا مرة قالها: انتي مارح تفلحي في بيتك زوجك بيطفش منك على طول سلبية
ايش الحل دلووووووعة مرة مرررررة
اللى تعرف حليمة بولند بتريحني من الشرح:09:
قبل يومين جو ناس يخطبوها وطلب الشاب انو يشوفها(وهي حلوة ماشاء الله عليها)
قامت تبكي وتقول لاااااااااااااااااااااماابغاه يشوفوني ماأأأأأأأأأابغي:icon33:
وصياحها وصل للعريس قام يسأل اخويا ايش فيه ؟؟؟
حلو البنت تكون دلوعة وانوثة لكن العقل كمان له دور
اللى عندها نصيحة لا تبخل علي
او مركز في جدة لتنمية الشخصية او كتاب وحدة منكم استفادت منه :) وبرسل الموضوع لأختي عشان تقراه اخاف ترد :لاماابغى خخخخخخخ:44:
من جد متعبة وتعبنا معها الله يهديها
لازم تشوفون لها حل تخرجت من الكلية يعني ماشاء الله كبيره
بس مفروض هالحل كان وهي صغيره كان استوعبت الموضوع اكثر
بس واضح ان التردد له دور في حياتها مع الخوف
فيه كتب لتطوير الذات وحتى شفت مواقع تناقش هالشي
اذا هي ماتحب تقرا انتي اقري لها لازم تسمعك