أختي ومشكلتها مع زوجها

السلام عليكم
وكل عام وانتم بخير
القصه باختصار زوج اختى ألفاظه معها سيئة جداً وماهي اول مره قبل يومين راحت السوق معاه وهو معطيها فلوس تقضي فيها للعيد ونقصت عليها تقريباً زادها 100ريال فقط وبس عشان زادها طلع وسخ بطنه عليها طلبت منه في السوق بتشتري شنطه ولما دخلت المحل وهو واقف بعيد قام يناديها بالشارع بلفظ غير لائق ويهاوش ويزعق بالشارع عشان وش عشان شنطه وما اكتفى لما ركبت السياره كمل عليها يقولها انا غلطان اني أخذتك بنات قبيلتي افضل منك علما انه هو من قبيله واحنا من قبيله أخرى ومطلق قبل ماياخذ أختي بنت عمه اللي هي من نفس قبيلته لما رجعت البيت برضى مااكتفى وحلف عليها ماتروح لزواج ولد عمتي خامس العيد ويقولها لو رحتي ماترجعين وأختي زعلت طبعا هذا الكلام امس وحلفه تحرمه مثل ما حرمها وقالت ماهي رايحه لأهله ولاهي معايدتهم وبصراحه أختي مسايرته بكل شي وماهي مقصره تخيلو باعة كل ذهبها عشانه ماتحب تشوفه متضايق بس هو اللي مايستاهل بالله يا بنات وش رأيكم وش تسوي معاه خصوصا الزواج صعب ماتحضره