أختي ونصيبها 💔

كتبت هالموضوع ابي افضفض وابي تقولون لي انا غلطانه والا لا 😫 اختي اللي اصغر مني انسانه متعلمه جميله وخلوقه وسنعه مؤدبه ماناقصها شي سبحان الله دايما كانوا يقولون ياهني من بياخذها لما كانت في العشرينات تنخطب كثييير من اقارب ومن صديقات ومن جيران وكنا نقول لها فلان مايصلح وفلان فيه وفيه وفلان اهله مايناسبون وفلان مانعرفه وكنت انا اكثر وحده اساعدها على الرفض وأيدها توقعت نصيبها بيكون ويييين وماتوقعت ابدا انها راح تقعد بدون زواج مرت السنوات والخطاب صاروا يقلون واللي يجي يكون عاطل والا كبيررر في السن الحين هي صار عمرها ثلاثين وانا حاسه بالذنب حاسه اني السبب اقول ليش مااقنعتها ليش كنت أييدها على الرفض هي للامانه والله ماعمرها تكلمت ولاعمره لامتني بس انا مو مرتاحه اقول انا السبب وهي ياقلبي عليهااا احس انها تستحي تفتح معنا هالموضوع بس احس بحزن عشانها احسها مجروحه بس ماتشكي دايما تقول انا واثقه ان ربي كاتب لي الافضل ودي انها تتزوج وتعيش بسعااااده اختي حنوننه على الاطفال وتموت فيهم دايما وامي دايما تقول ياليتني اشوف عيالك 😭 واقول يُمه لاتقولين هالحكي قدامها صرت انا اعصب واحزن على وضعها تأنيب الضمير ملاحقني كلما شفتها 💔 فضفت لصديقتي وقالت تبين اكلم لك خطابه ورفضت رفض نهااائي مستحيل نقبل هالفكره او اتخيل انه ممكن لاسمح الله نلجأ لخطابه 😭😭😭😭 كتبت هالموضوع للفضفضه والاهم ابيكم تدعون لهااااااا ولاتنسونها من دعواتكم لان دعوه المسلم لاخيه المسلم في ظهر الغيب مستجابه 😔💔