أختي ياقطعه من قلبي 💔

صباح الخير ، موضوعي للفضفضه لاني مااقدر احكيه لصحباتي وزوجي ويمكن القى الراي السديد انا عمري ٣٠ سنه واختي اصغر مني بسنتين علاقتنا فالطفوله لاتذكر مابيننا اي علاقه سوى الاحترام ماكنت اجلس معاها ولا لي مواقف فالطفوله ابدا وتزوجت بعمر ١٧ سنه وانشغلت بدراستي واطفالي وزوجي تزوجت بعدي بسبعه سنوات طبعا بعد زواجها صارت بيينا علاقه كلها حب واحترام كنت امسك عيالها عنها واحاول اساعدها باي شي واذا احتاجت شي تفضفض لي وتغيرت علاقتنا جدا ولكن قبل سنه صار اللي ماحسبت حسابه فجاه تهاوشوا الاطفال مع بعض يعني ولدها مع ولدي وهم بعمر واحد وكبار ٦ سنوات وانا حامل بالتاسع وتعبانه وفجاه قامت وضربت ولدي وضربتني معاه وقامت تتلفظ علي الفاظ سوقيه وتذكرني بمواقف قديمه لكن فهمها لها سيئ بمعنى فسرتها على كيفها مع ان وقتها ماقصدت اللي في بالها ابدا من وقتها مابيننا اي تعامل وانقطعت العلاقه ولدت وهي ماتسلم علي وذحين بدات ترجع علاقتها معاي لكن انا قنعت منها وماني قادره اسامحها عيالي كبار ماحترمتني تضربني قدامهم عجزت انسى اللي صار وكرهتها وجهوني لو كنتوا مكاني ايش ممكن اعمل تعملوا بالرغم تدخلوا اهلي وقرايب لحل الخلاف مالقوا شي انا سويته لها تراوغ بالكلام وماتعطي السبب الحقيقي اللي خلاها تسوي اللي هي سوت معاي لاني كمان متاكده ماسويت لها شي يضرها اللي يحدها لهذا التصرف معاي متشتته ومافي قرار اقدر اخذه ،،