اختي اللي هي اصغر واحدة في العيلة
انسانة مرحة وحبوبة وما في احد ما يمدح فيها...
شيك وتهتم بمظهرها ومؤدبة واجتماعية كثير...
كلنا نحبها ونهتم بيها كثير...
وانا اقرب لها من كل اخواتي وهي تستشرني بكل صغيرة وكبيرة
اختي فجأة قبل كم شهر تقدم لها واحد يشتغل معاها في الدوام ... وطبعا تم الموضوعفي النهاية بموافقة الاهل ( بالرغم من شوية معارضات تتعلق بأخلاق الشاب)...
المشكلة الحين ان أختي تغيرت 180 درجة،، :(
صارت ما تعبر حد،، يا في الدوام ويا في البيت... واذا فالبيت تشوفينها يا نايمة ولا قافلة الباب تتكلم في التلفون...طبعا مع حبيب القلب...
صارت نادرا جدا تطلع من البيت واذا حد يكلمها تعصب ودايما منرفزة واحيانا تكلمها بالساعات وهي كانها في عالم ثاني سارحة ............
احن كلنا انخطبنا بس صار لنا كذا.... وانا مؤمنة بان الواحد لما الحب يملا قلبه يكون طيب ومتفائل واجتماعي مع كل الناس ... بس مذل هالحالة ما شفت بعمري...
كلنا كلمناها ونصحناها وحاولنا نعرف ايش اللي يشغل بالها..
بس بدون فايدة ....
في البداية تنكر كل شي وبعد شوي ترجع لحالتها...
المشكلة ان عرسها بعد كم شهر...
ونحن ننتظر من زمان نفرح بيها ونجهز لها كل شي ونعمل لها عرس لا صار ولا استوى...
والعرس يحتاج حجوزات وشوبينغ وخياطين وروحات وجيات..
طبعا انتو ادرى...
وهي ولا دارية بالدنيا..
حاولت ادخلها في جو التجهيزات ووديتها مني ومناك علشان تشوف وتبداء تهتم....
بدون فايدة...
تعبت معاها وصرت اتضايق لما اكون معاها لانها ما تعبرني ابدا وكل اللي اقوله يدخل من أذون ويطلع من الاذون الثانية ...
وامي ولهانة عليها وكل يوم تكلمني وتحاول معي علشان اكلمها وانا بصراعة تعبت واعصابي ما تتحمل... القاها من الدوام ولا من البيت ولا من اختي ومشاكلها....
ما ندري وش نسوي .... ساعدونا يا عالم ؟؟
فلق @flk_1
عضوة جديدة
يلزم عليك تسجيل الدخول أولًا لكتابة تعليق.
الصفحة الأخيرة
اختي يمكن في بعض التصرفات هي متضايقه من خطيبها ومعكره مزاجها او العكس يمكن الشاب ماخذ عقلها لان هالفتره ( فتره الخطوبه )
البنت تطلع منجو وتدش جو ثاااااني
واكيد انتي جربتي
لاتلومونها وهي مع الوقت راح ترد مثل قبل صدقيني ..
الله يوفقها ويسعدها وأياك