أخت الزوج

بسم الله والصلاة والسلام على رسول الله
أنا اول مره اتصفح قسم المشاكل الإجتماعية بس كان همي الكبير إني القى موضوع عن أخت الزوج ومشاكلها حتى نستفيد من بعض وخاصة إذا كنت تسكنين بنفس المبنى وإذا ما جيتي ياخذون أهل الزوج على خاطرهم شوي بس هي تتعامل معاك كأنك رجل يعني تحاول تتحاشاك دائما في غرفتها وإذا قلت إبعد ياشيطان ودخلت أنا سوت حركات إني بنام أو مشغولة أو تتطفي المكيف أو........
تصراخ على الصغار بغض النظر أولادي أو أولاد سلفتي
نفسها في خشمها دائما
وانا أحاول دائما إني اتحاشاها
طبعا يابنات مااقول هذا الكلام إلا من باب الفضفضة ومن باب أبغى الطريقة المثلى للتعامل معها
وعلى فكره لما تواجهت مع زوجي وأمها وابوها واخوها قالت لزوجي أنك تغيرت علي بعد ماتزوجت وماصرت تحبني وووو
فقالها زوجي شئ طبيعي إني اتغير لأن المسؤليات زادت علي صار لي زوجة وعيال شئ طبيعي اتغير
قامت تبكي كالعادة وتقول ما تحبوني
علما إننا كنا نقولها لما نخرج تعالي معانا بس هي ماترضى لما واجهها زوجي ليش ماتخرجين معانا لما نقولك قالت ما ابغى اضايقكم
فرد عليها بإستغراب ترى صار عندنا عيال بتضايقينا في وش إحنا خلصنا شهر العسل من سنين
على فكره قبل زواجي كنا صديقتين غير اننا قرايب
وقالت لي في فترة الملكة انها تتوقع إني بتغير عليها
ومشاكل كثيرة صار بس إذا لقيت فيه تفاعل معاي بكملكم
وسامحوني على القرقرة الكثيرة
وإن شاء الله ألقى عندكم حلول