أنا مابعد تزوجت
بس عندي ثنتين خواتي متزوجات
يوم تزوجت الثانيه أختي الكبيره تكفلت ببطاقات الزواج هديه منها
وجابتلها طقم ذهب

الله يبارك لها ويتمم عليها على خير

بصراحة انا مثلك انا الكبيرة وماكان عندي احد غير خالتي الله يسلم عمرها ويرزقها ربي بولد الحلال اللي يهنيها...امين
هي الللي وقفت معي وما انسى جميلها طول العمر

راحت معي واخترنا الفستان والقماش وكل شي ويوم البروفة والتسليم راحت معي
واخذتني وشرينا عطورات والكريمات
وكانت المصورة راح تلغي حجزها معي وبغت تنجن وكلمت صديقاتها ودبرت لي وحده
يوم زواجي جاتني من الصبح في بيت اهلي وجلست معاي والكوافيرة تصلحني وساعدتني في لبس الفستان وجلست تصورني بكاميرا الفيديو لحظه بلحظة
وبعد زواجي جابت لي هدية حلوة
الله يذكرها بالخير ويوفقها

فانا من رايي اهم شي للعروس هو الدعم المعنوي يعني وقفتك مع اختك في هذاك اليوم له اثر مرره كبير
ممكن تروحين تنامين عند اهلك ذاك اليوم وتجلسين مع اختك وتنامين عندها وتمزحين معاها عشان نفسيتها اكيد تكون تعبانه
وتساعدينها في اللبس او المكياج او اي شي
او تجيبين كاميرا وتصورينها لحظه بلحظة
وممكن تجيبين صينية شوكولاته تكون لها ولزوجها
وتجيبين كيكه باسمها هي وزوجها
او كاسات عصير تكتبين عليها الاسماء

واهم شي انك هذا اليوم ما تلبسين عالي لانك راح تنزلين وتطلعين شوي عند المعازيم وشوي عند اختك

وهذا اللي عندي والله يوفقها رب العالمين ويسعدها

جاتني فكره ممكن تسوين هدايا بسيطة تذكارية للمعازيم كهدية منك
ممكن حبة شوكولا او علبة بسيطة تجيبينها وتحطين عليها شرايط ودانتيلات وخلاص

والهدية اللي راح تجيبينها لاختك ياليت تعطينها اياها قبل الزواج عشان تكشخ فيها لو حبت عند زوجها او اهل زوجها وهي توها عروس طازه
وممكن تجيبين لها قميص نوم هديه منك لها تعرفين البنات كيف يستحون...انتي تكفلي بالمهمة

تذكرت شي.......وقلت لازم اقترحه عليك
اذكر وحده كتبت قصيده مؤثرة عن اختها وكيف انها غاليه ووووويام العروس افرحي ...زي كذا
بس كانت القصيده حلوة
غلفتها بشكل حلو وو زعتها اثناء الحفل
انا ازيد من بنات افكاري......قويه بنات افكاري
انك تحطين القصيده بورق راقي وملصو مع ورده حمراء طبيعيه ....اشرايك

الف الف مبروك وعسى الله يوفقها ويسعدها ويبعد
عنها شر عيون خلقة
الله يتمم لها على خير...ويوفقها بحياتها الزوجية
وبالنسبة للهدية افضل شئ انك ماتبخلين عليها
بنصائح بداية الحياة مع الزوج بحكم خبرتك
والاهم انها تكون بنفسية مرتاحة وتبعدين عنها القلق
وانت وقفي معها اذا احتاجتك بمشورة او راي
وبالنسبة للهدية المادية هذا يعتمد على ذوقك
وشاوري زوجك واتفقوا على هدية وحدة تكفي
والامور هذي مو بين الاخوات والله يهنيها
ويرزقها الزوج الصالح والابناء البارين