أخت زوجي

اول ما تزوجت وفي حملي نزلت ام زوجي وخدامتها في الصباح وكنت نايمه وبيتي مومفروش كله بس غرفتين وفي الغرف التانيه في في بساط قديم وفاضي  وقالت للخدامه جيبي لي كرسي من فوق وجابتلها وقعدت وأمرت الخدامه بلف البساط عشان تنقله في غرفه تانيه وهدا انا كله واقفه وشايفتني ام زوجي مع كرشتي وواقفه حتامافي مكان اقعد لانه بلاط الخدامه لفت البساط التقيل ووقتها زوجي مافي كان مسافر وكلمته قلت امك بتنقل وايش اسوي قالي يالله البساط تقيل ماتقدرله الخدامه تنقله لوحدها والغرفة اللي بتنقلها في له دولاب وكنبات وكنت لوحدي في البيت وتعرفو وقفة الحامل متعبه ودخلت نمت وسبت ام زوجي تكمل شغلها مع الخدامه لانه وقفتي قلت مالها لزمه وأم زوجي زعلت وقالت لبناتها وأولادها أني جيت عندهاوماستقبلتني وتركتني لوحدي ودخلت نامت بس ماقالتلهم سبب جيتها مع الخدامه وصارت تكرر عملية نزولها في غياب زوجي لمن يكون مسافر وتنزلي بس تشوف ادخل أنام وأتركها بس كانت تنزل تقعد تخاصمني واقعد استمعلها الين تروح وبعد كده ماصارت تجي غير اعزمها في الغدا وصارت تحترمني وهدي الكلام كله بنتها اللي هي أخت زوجي نزلت عندي  قبل كم يوم وصارت تسبني تقول انتي **** واخواتك *** وجايبنيك من *** ويامتخلفه خبله وزوجي واقف جنبها ساكت ومن قبل ماتجي زوجي حذرني أني مارد عليها بكلمه لانه اصلا ماعندهاشي تمسكه زله علي بس كانت بتسبني وتقول انه اخويه راحمك زوجي مايسوي لي زي مابيسويلك انا في السابع قمت واشتغل موزيك كنت مسدوحه عالسرير وأخويه بيخرجك ويمشيك في المجمعات انا زوجي مايو ديني زي ما أنتو بتخرجو كل شهر وهي ماشالله عليها كل كم شهر تسافر برا وكمان قالت لوبزورتي اشتكومنك ياويلك انزل واديك كف علاوجهك وتدخليهم غصبن عنك هذا بيت خالهم قبل مايكون بيتك وانا وأمي ندخل من غير ماندق الباب ادفه برجولي وادخل وازا طلبت شي من الأغراض وقلتي ماعندي ياويلك وسواد ليلك لوقلتي ماعندي عشان مره طلبت مني شي وكان بصراحه قليل استحيت اعطيها وقلت ماعندي والمره التانيه اعطيتها الموجود تقول حتا لو قليل تعطيني ما تقولي ماعندي وسكوتي خلاها تزيد تغلط وقلتلها انتي ما تخاف الله في نفسك قالت انا اعرف ربنا وأخاف منه قبل ماشوف وجهك وهي تحرض بزورتها انهم يطفشوني ويجو علاطول ولمن اقولهم لاتجو يفضلو يدقو الباب ويشردو وياذوني وأمهم تقولهم روحو ادخلو موعلاكيفها ولااخلي خالك يطردها من البيت ويرجعو تاني مره يدخلوويخرجو ومايخلو غرفه من غرف البيت ما يدخلوها ويمسكو اغراضي اللي في تسريحتي ويدخلوالمطبخ ياخدو اي شي من غير إذن هذا كله في وجودهم كذا يصير اما في غيابهم بقعد مرتاحه كم ساعه ومايادن العصر الا وهم يجو من بيتهم يوميا كذا انا لو موزوجي وامه طيبين معاياومحترميني كان تطلقت وقالت أخته كمان لمن تشوفيني في مكان لا تسلمي علي ولالسانك ما يخاطب لساني انا زوجي حادين فوق راسه لأني افرشلها خدي لمن تجي وأم زوجها بصراحه اناقعدت معاها حالها حال نفسها وكلمة طيبه وحنونه قليله عليها وهي مومن جنسهم *** عسل وماتجيها الا في السنه مرتين او ثلاث وقت المناسبات فقط وبعدكل الكلام اللي قالته علي أتأسف تلها وقلت أني بعد كده اخلي بابي مفتوح وخلي عيالك عادي ينزلو وماامنعهم من الدخول وقعدت اترجاها برسايل واتصالات ورحت لها كمان بسالكم ايش المعامله اللي تناسبها انا وحده من قريباتي ساكنه مع اهل زوجها ماشالله لاقوة الا بالله ولاكانها ساكنه مع زوج حالهم حال نفسهم وخوات زوجها يوميايجو بيت أمهم ولا يرسلو عيالهم بيت اخوانهم تقول عشان لاتصير مشاكل ويضاربو الصغار اسالكم بالله كيف اعامل أخت زوجي بعد اللي سوته لو هي غريبه كان قطعتها والله علامااقوله شهيد وغير المأساة اللي عشتها قبل والحين اللي فيني كله ردة فعل من ناحيتهم كلهم ماسابوني في حالي وفي بيتي هدا عيب اللي يعيش مع اهل الزوج ومستحيل زوجي يرضى نسكن برا عنده اختين وحده منفصله والتانيه لا كل يوم يجو بيت أمهم ويرسلو عيالهم وهما في سبب طلاق تلات من حريم اخوانهم ووحده أخته المنفصله قاطعتها بسبب ما دخلت بنتها في بيتها استغفرالله العظيم لاحول ولاقوة الابالله