ماقدرت امسك نفسي قلت لأخوها وهي تسمع على الطرف الثاني الفال لزوجك يالخبيثه يبشروني بعرسه عاجل غير أجل ومن الخوف سكرت التليفون بوجه أخوها ومن يومها وأنا ماأكلمها ولا شفتها


حلوووووووووووووووووه
عجبتيني هذا اللي ينفع للنوعية هاذي
الله يحفظ زوجك لك
وهذا اللي موتها قهر عارفة انك مبسوطة مع زوجك
بس حصني نفسك وزوجك تراهم ما يرتاحون الا اذا حسوا بمصيبة

السلام عليكم ورحمة الله وبركاته
عزيزتي
والله أني قرأت الموضوع ولم أجد به ما يزعلكِ إلى هذه الدرجة.. وحتى وإن كان كلامها بخصوص الزوجة الثانية "جد" وليس مزح ..
غاليتي
إن كانت تمزح ، فهو أخاها وهو من بدأ المزح ..
وإن كانت جادة فهي لم تتكلم بما هو سيء ولم تدعُ أخاها إلى منكر..
وكان الأجدر بكِ أن تقابلي كلماتها بالضحك .. وأن تكوني أكثر ثقةٍ بزوجكِ ..
وتعاملي معها بالطيب والاحترام النابع من داخلك وثقي أنه مع الأيام سيذوب الجليد فيما بينكما..
فقط اقتربي منها .. واكسبيها لكِ وكوني لها أختاً ..حتى وإن كنت "خبيثة" على حد قولكِ ..

أخواتي الغاليات .. يؤلمني أن تحرضن الأخت الكريمة إلى "تطنيش" و "تهميش" أخت زوجها.. وكان الأجدر بكن أن تصلحوا بينهن وأن تكون " الكلمة الطيبة" مفتاحاً لأقسى وأجف القلوب..
أخواتي .. هي دنيا فانية لن ينفعنا إلا صالح أعمالنا ..
تحيتي

السلام عليكم ورحمة الله وبركاته......

اشكر كل اللي مروا على موضوعي وردوا علي والله يجزاكم خير......
وأن انكم غالين عندي الله يغليكم عند مولاكم وفعلا ماخيبتو ظني فيكم.........

وبالنسبه للي يقولون لي طنشي عادي وأنها كانت تمزح لوأنها تمزح وموقصدها كانت قالتله تزوج قدامي مو من وراي أهي يوم قالتله جذيه اتحسبني ماأسمعه وأنصدمت يوم عرفت أني دريت..... المشكله قدامي اتبين لي أنها أتحبني ومن وراي تجرحني بالكلام.......

مع أني أقسم بالله يابنات مو مدح بنفسي والله يشهد على كلامي إني ماقصرت معاها يوم كانت عندنا ابيتنا انفاس بعيالها سويت معاها اللي حتى الأخت ماتسويه مع أختها كل يوم أنزل عندها
واسويلها أكلها واستقبل الحريم واقابلهم بالساعات مع أنها أهي عندها خوات بس محد عطاها وجه يجونها ساعه ويروحون كأنهم ضيوف أقسم بالله مرت علي أيام إذا نمت الظهر أحط تليفوني منبه عشان أقعد قبل يجون الحريم واحظرلها كل شي وياليته بين في عينها....
وأهي الحين على وشك ولاده وبتجي تقعد عندنا وانا قاعده أفكر أطنشها ولاأنزل عندها
ولأني إذا نسيت أو تناسيت اللي صار ونزلت عندها اعتقد بتكون هذي سذاحه مني مو طيبه
ولا انتو أشرايكم؟؟؟؟؟
لأني الظاهر كنت طيبه معاها زياده عن اللزوم علشان جذيه تصرفت معاي بهالطريقه
بالزمن هذا الطيب يفكرونه شخصيته ظعيفه والأقشر الكل يحترمه ويخاف منه....

مع خالص تقديري واحترامي لكم...........