أخت زوجي تصيح وفاجأتني 🤔
صباح الخير ياعسولات قبل السحور صار موقف غريب تخيلوا متزوجه من سنين وتوني ادري عن هالحالة عند اخت زوجي الصغيرة جابها زوجها تتسحر عندنا المهم زوجي اخذ مفتاح سيارتي وراح يجيب سحور يقول يبغى يغير جو في السواقه قلت طيب واخذها وسكر الباب وطلع سمعت اخته الكلام اللي بيننا وقالت هو اخذ مفتاحك صح قلت ايه ويوم سكر ترك مفتاحه معاك قلت لا قالت لو بغيتي تتطلعين كيف قلت وش بيطلعني في هالليل قالت البيت كم مفتاح له قلت اثنين وكلها مع اخوك بس عادي المطعم قريب شوي الا وهي ماسكة صدرها وبدت تعرق وتقول بصوت مخنوق خليه يجي يفتح الباب بسررعه كان شكلها يخوف اتصلت بزوجي قلت تعال بسرعه اختك تبغاك تفتح الباب قال المفتاح عندك شوي قال لا افا المفتاح معاي راجع بسرعة المهم رجع وجلس يعتذر لاخته ويالله تسحرت وطلعت بعد ماطلعت قلت وش فيها قال يوم كانت صغيره انحسبت في غرفة الظهر وامي تسوي الغداء ولا درت وهي تصيح ويوم انتبهت اتصلت على ابوي وكسر الباب ومن يومها اذا المفتاح ماهو حولها يجيها خوف هستيري وقلت له ليش ماعلمتني من زمان قال خفت انك تفضحينها قدام الناس وماحد يعرف هالسالفة بالله عليك هذا سر ماحد يعرفه ابداً الله يشفيها سنين متزوجه مادريت عنها
