أخت زوجي ( حماتي)

السلام عليكم ورحمه الله وبركاته


هي مشكله مضايقتني كثييير وأفكر فيها كثييير وهي مشكله أخت زوجي :44:




بصراحه يا بنات أنا احبها كثير مع ان علاقتي بها سطحيه جدا لكني ما احب اشوفها تتعذب والسبب منو ؟؟









السبب زوجي :(

زوجي رجل متدين ويعرف الله لكن شوي ماخذ الامور بجديه حيل طبعا هي الاخت الوحيده لهم وعدد اخوانها اربعه زوجي هو الكبير ومشكله البنت انها جميله لكنها ما تزوجت للحين عمرها 25 سنه وأنا اشوف شبابها يضيع حرام والله تكسر الخاطر متى بتزوج ومتى تحمل الله يعينها


صحيح كل شي نصيب لكن أنا اقول لزوجي حرام هي كبرت وزوجي الى هو اخوها يرفض خطابها علشان يبيلها واحد ملتزم مطلق اللحيه مقصر ثوبه يصلي كل الصلوات بالمسجد

صدقوني أنا ما أعترض بس قليل الناس الى جذي وبعدين انا اقوله خليها تاخذ واحد على الاقل يصلي ومسأله تقصير الثوب واللحيه الله يهديه وهي تبدي معاه لكنه يرفض :29:

البنت قاعده تذبل حرااااااااااااااام قلبي يعورني عليها حتى الكليه مناشبينها عليها ويبون يطلعونها ويقعدونها بالبيت ، أنا ما ادري شسوي لها ودي اساعدها حاولت اقنع اخوي انه يتزوجها لكن ما في نصيب هي بعيده عنا مو من قرايبنا واخواني يبون بنات عمهم بس ما ادري شلون اقنع زوجي ان يتنازل شوي 00

البنت لها عمه وحيده بين اخوانها سبق ان سوو فيها نفس الشي وهاهي العمه قاعده بدون زواج وعمرها 55 سنه لا عيال ولا زوج وحيده الحزن كله مغطي على وجهها حتى ان عقلها صار خفيف لا حول لا قوه الا بالله دلوني يا بنات شلون اساعد البنت ما ودي تصير مثل عمتها أنا احب الخير للجميع وما ادري شلون اساعدها وجزاكم الله خير 000