السلام عليكم يا بنات
أنا جاية اليوم ابغى اطرح عليكم مشكلة اعاني منها وما ادري اذا في وحدة منكم زي حالتي
تعبت يا بنات عندي أخت زوجي الله يهديها و يصلحها و يرزقها الزوج الصالح عشان ترتاح و تريحني
مشكلتي معاها أني أحسها عديلتي في معضم نقاشاتي مع زوجي تتدخل الله يسامحها بس
بعطيكم أمثله .. جاتيلي فترة اقول لزوجي ابغى افصل عبايات قالي طيب ناخذ اختي معانا لان هي تعرف اكثر وكمان لها عملائها اللي راح يسون لنا دسكاوند قلت له طيب ما عليه خلها تجي ماهي بمشكلة
ورحنا للسوق و فصلنا العبايات بعد فترة قلت لزوجي ايش رايك نروح للسوق مفتوح جديد يمكن أني الاقي للعيال ملابس وكمان اشوف لي عباة قبل لا ينطق زوجي أهي نطقت ليش العبايات وانتي ما صار لك مدة مفصله عبايات قلت لها انتي عندك تقريبا 10 عبايات انا ابدا ما سألتك ليه ولا فيوم قلت لك لا تشتري او لا تفصلي و اسكتت
موقف أخر جالسه اقول لزوجي من ترجع من الدوام نبغا نروح مشوار قالي طيب اقفزت هي و قالت ليه لما يرجع من الدوام خليها لبكرة حرام اهو يرجع تعبان خليه ينام و يرتاح قلت لها طيب هو ما اشتكى ليه انتي تتكلمي بنيابة عنه و اسكتت
والله يا بنات اني ما ابالغ لو قلت لكم انها حتى لما تسلم عليه تبوسه على خده ثم تناظرني و تقول لي ليه تناظرين تغاري لا بست أخوي اقول لها انتي والله خبله أغار من أخت أقرب لأخوها من زوجته و تسكت
قبل كم يوم الشغاله تبغى تحول الراتب لاهلها فبلادها قلت لزوجي لما تحول راتبها انت ادفع فلوس حقت المعاملة عشان ما ينقص راتبها حرام واعتبرها صدقة طبعا قالت هي لا تدفع لها بكرة الشغاله تتعود طيب هي ليش تدخل انا وزوجي احرار
والله يا بنات كثيييييير مواقف بس انا للاسف ما اذكر وكمان تعبت من المجارات و الرد أنا ما ابغى أطول لساني لا عليها ولا على غيرها بس تدخلها اتعبني صرت احس انها شريكتي مهي بحميتي
هي ما تسوي هالحركات الا معاي انا لان زوجي قريب منها و يلبي كل طلباتها وما يحب يزعلها وانا ما اعترض لاني مؤمنه ان اللي مافيه خير لاهله ما فيه خير للناس
لكن مو كذا فكل شي تتدخل و الله يا بنات حتى لو زعلت من اخوها تجلس تقول ليش تزعلين منه انتي احمدي ربك انه صار من نصيبك و تجلس تعدد محاسنه وطبعا زوجي يعصب علي بزيادة ثم يقول لي الناس تشوف محاسني وانتي لأ
ما تقدر تسوي هالشي مع سلفاتي الثانيات بس أنا ما ادري ليه
لو اشتري شي تبغا مثله فكل شي تغار
انا بالاول ما كنت ارد عليها بس هاللحين صرت بصراحه احاول ارد وما اسكت بس انا ما حابة اني اصير ام لسان طويل بس ايش العمل
فيدوني ايش العمل ومن تعاني مثلي
دبلوماسية 123 @dblomasy_123
عضوة جديدة
يلزم عليك تسجيل الدخول أولًا لكتابة تعليق.
دبلوماسية 123
•
وحده ترد على الاقل
الله يعينك عليها يا أختي بس سؤال انتم تسكنون في نفس البيت اذا كذا الله يصبرك عليها وحاجه كمان أبغا اعرفها لما تيوس زوجك يعني تحط فمها في خده مبااااشر والله عيب او خد بخد عادي بس ماله داعي تقول تغارين
اختي شكلكم عايشين مع بعض شوفي حاولي كثر ماتقدرين انج تتجنبين اتسولفين او تطلبين شي من زوجج جدامها اعرف انها صعبة بس بعدين بتتعودين خلي هالشغلات لين صرتوا بروحكم وخلج كلش رسمية معاها وحاولي اتغيرين معاها اسلوبج شكلها ماتاثر الردود فيها من اترد عليج عطيها نظرة استهزاء وسكتي لا اتردين ولعبي بشعرج حدها بتطنقر بس بنفس الوقت انتي ماغلطتي عليها لان ساعات ردودج عليها بتنحسب عليج لانها مهما كان اخت زوجج وتري هاذي الحياة الزوجية وعندنا وعندج خير لازم يطلع لج بالبخت واحدة هلون اذا ماكانت بالبيت بتطلع لج بالشغل او بالاهل فانتي اشتري راحة بالج وقد ماتقدرين خلج علي السايلانت
الصفحة الأخيرة