بقولك بصراحه بس اتمنى تفهميني ((صديقك من صدقك وليس من صدقك ))
انتم بينكم مياااااانه زياده وتبغين الصدق مو حلوه ابدا وهذي نتيجتها ,,,اعتبري من هذا الموقف وحاولي تعدلين تصرفاتك بالمرات الجايه,,,,
وبالنسبه للموقف اللي صار لك مااعتقد انه له داعي لدرجة انك تتركين بيتك وزوجك لانه ماله دخل بالسالفه مررره انتي زعلانه من اخته وش دخل زوجك بالسالفه ,,,ارجعي بيتك واعتذري من زوجك ولازم تتفقون انكم قدام اي احد تعاملون بعض بااحترام مهما كان بينكم ,,, واهل زوجك تاخري عليهم شوي بالزياره واكيد راح يكلمونك يقولون تعالي عادي روحي بس زياره قصيره وكوني رسميه ولا تفتحين الموضوع وهم من تصرفاتك راح يعرفون انك ماخذه على خاطرك ولمحي لهم قولي والله اني ماتوقعت كذا انا اعزها زي وحده من خواتي وما قصدت اجرحها بس يله حصل خير ومن بعدها قللي زياراتك انشغلي ببيتك وعلاقتك معاهم خليها عاديه مو مثل اول لازم تتغيرين عشان تفرضين احترامك وما تخسرين زوجك وآآآآآسفه اذا ثقلت عليك يله روحي خذي اغراضك وكلمي زوجك وروحي... الله يهديكم ويسخركم لبعض...

حسيت علاقتكم كلها غلط في غلط
الرسميه مو موجوده واحيانا تكون مهمه
مابينكم اي احترام واسمحيلي بدون زعل انتي غلطاااااانه مليون بالميه وزوجك غلطان واخت زوجك غلطانه
صعبه تقولين لها يا مشوهه
لازم تكوني لسانك حلو و رسميه معاهم في نفس الوقت ..

،

دايم العلاقات الرسمية أفضل وأسلم
طالما انتي ببيت اهلك لازم تبدئي من جديد
وتفرضي احترامك
و
تقللي زياراتك <-:

انا من وجهة نظري دام اهلك عرفوا وخلص خليهم يفهموا زوجك انه كرامتك من كرامته واللي يهينك يهينه وحتى لو اخته كانت بعمرك ما يطلع لها تمد يدها عليك او اطول لسانها مرة تقول رزك محروق ومرة تقول اللك الجنة كلام بايخ مثلها لانه مثل ما لزوج صابر على هفوات زوجته والزوجة كمان صابرة لكن تعرفي لو منك وقالت هالكلام اصالح زوجي واتدلع عليها واضحك خليها تعرف انه مالها دخل اما عن الكف فانت ما غلطتي انك ما رديتيه لانه لو ضربتيها قلبت الحق من صفك لصفها وما كان دافع عنك زوجك ويمكن كان اذا زعلتي يقول اخدتي حقك ومثل ما اختي ضربتك ضربتيها
اما بالنسبة لاخته فاتركيها للايام بكرا تتزوج وتطلع عيونها من زوجها ومن بنات حماها لانه الدنيا دين وكما تدين تدان
واذا رجعتي علاقة رسمية هي بالذات لا تدخلي معها بنقاش ولا تعطيها وجه
و الله يصلح ما بينك وبين زوجك

اقول لك الصراحة واللي انا حسيته من الكلام زوجك هذا باين عليه إنسان طيب ويحبك ارجوك لا تخسرينه وحسني إسلوبك معاه لاتعصبين من اي شي ...
اما اخت زوجك انتي اللي خليتيها تتمادى حلو تكون علاقتك معاها كويسة لكن اللي مو حلو الميانه الزايدة حتى الأطفال يتكلمون خير إن شاء الله ؟؟ من الحين إخت زوجك لاتعطيها وجه سوي اللي عليك حطي امه وابوه فوق راسك والباقي مالك شغل فيهم لا ضرر ولا ضرار