سبحان الله وبحمده

تدرين لو كنت رجعتي لها الكف .. كبرتي بعين زوجك واهل زوجك والكل كان حسب مليو حساب بعد كذا!! بس انتي تكلمتي بعد خراب مالطا وحطيتي حرتك بزوجك ... مدري وش الحل ! بس لو منك بكون رسمية مع اهل زوجي لا امزح معهم ولا اعطي وادي معهم انا في حالي وهم في حالي وبينا بيما يرضي الله ... التداخل بطريقة هذي ماهي حلوة ابد ! .

هي ضربتك كف وأنتي قلتي لها مشوهه
برضه هذي كلمة كبيرة وماهي سهلة حتى لو كنتوا ماخذين على بعض

ماله داعي تكبري الموضوع لأنك انتي من البداية تتعاملين معها كأنها اختك وهالسوالف تصير بين الخوات
لو قلت لأختي مشوهه وانا وهي بينا خلاف مااستبعد تمد ايدها بشكل عفوي :)

المفروض تحطي حدود من البداية مو بعد مايطيح الفاس بالرأس وتكبر المسائل بينكم تروحي تشكي لأهلك

تعوذي من الشيطان واعترفي لأهلك أنك أنتي كمان غلطتي عليها وانك مسامحتها لأنها مثل وحده من خواتك وهذ اللي واضح من علاقتكم وميانتكم على بعض
وبعد كذا ارجعي لبيتك وعيدي سياسة التعامل معها ووضحي لزوجك أنه يحترمك قدامهم بدون مايقلل من شأنهم

شوفي ياختي
واضح انكم تمونون ع بعض بزيادة

صحيح حلو يكون في ميانة لكن الشي ان زاد عن حدة قلب ضدة

هذا انتي زعلتي من اخت زوجك بالمطعم لما جلست تقول تخلين اخوي يصرف وكذا واخر شي قالت امزح

ونفس الشي انتي قلتي دائما تقولين لها مشوهه وماتزعل وهالمرة زعلت ورفعت يدها عليكي

الميانة والمزح اذا زادو يسببون مشاكل وقلق بين العلاقات


المهم

انتي الحين زعلتي وصار الي صار


وخلاص لاتمزحين معهم مرة ولاتمونين مرررة


المفروض اصلا يخليها تعتذر منك لان مهما وصلت درجة المزح ماتمد يدها عليكي

والله يسخر لك زوجك ويهون وضعكم يارب ويوفقكم

الله يفرج همك
ويسخر لك زوجك واهله ويكتب لك مافيه خير وصالح