أخت زوجي ن ر ف ز ت ن ي

السلام عليكم
ماعليه يابنات والله مرتفع ضغطي بشكل استغفر الله بس
بفضفض عشان ارتاح

اليوم رحت ازور أخت زوجي وأنا لي مدة ماشفتها وانا والله محترمتها ومعتبرتها بحسبة امه لان هي الي
ربت زوجي!!
لقيت عندها وحدة من زوجات اخوانه وقعدنا نسولف وكذا
المهم إن هذي اخته من النوع الي مايحاسب على كلامه وأنا كنت ماخذتها على قد عقلها 0000 بس طفح الكيل خلاص:mad:
يعني مثلا مره كنت زايرتها وكان مالي الا سنه متزوجة وقعدنا نسولف عن العوائل والقبائل
وخشت عرض وقالت والله الناس قاموا يقولون ليش ماخذتوا عوائل اللقابهم معروفة مثل حريم عيالكم الاولات
مو مثل مرت فلان ومرت فلان ناس ماندري وش هم ( طبعا تقصدني انا ومرت اخوه الي قبلي )
المشكلة إن عائلتهم ماقد سمعنا فيها الا يوم اخطبوني هههههههههه 0000
ثم قامت ترقع وتقول حنا ماعلينا من العائلة حنا نبي بنات متربيات وعاقلات وما الى ذالك0000

طبعا انا جافي خاطري واسريتها في نفسي ولم ابدها 00 والي هون علي إن مافي احد معنا 00
لكن اليوم عطتني كلمه كبر جدي
والسالفة ان واحد من اقاربهم خاطب اختي

وقامت تسولف وتسالني عن اختي هي وشلون شكلها هي تشبهلك الا اذكرها تشبهلك ّ!!
(طبعا هي ماقد شافت اختي الا في حفلة زواجي)
ثم قالت ايه انه قايل (يعني الولد الي خطب أختي)انا مابي وحده زينه جيبولي شينه ان بغيتوا بس اهم شي شعرها ناعم وكثير
عاد قالت: ايه هذا حنا خذناكا (عشان تروحين مع ولدنا (زوجي يعمل في منط\قة تبعد الف كيلو عن الرياض)
وهم خذو اختك عشان شعرهاااا >>> قالت هالجملتين وهي تضحك !!!!!!

زوجةاخوها التفت تشوف ردة فعلي
وأنا سكت ومسكت اعصابي
وحاولت احافظ على هدؤي الى اللحظة الي أنا جالسة اكتب فيها هالموضوع 00000000




المشكلة مدري وش الدافع لمثل هالكلام
يعني انا طيبه وكويسه معهم ان ماجاء مني خير ماجا مني شر
ليش تتكلم كذا الله يهديها بجد احرجتني بس تمنيت
ان عندي لسان اسكتها وافشلها مثل ما فشلتني وغلطت علي بكل قلة ذوق أنا وختي !!
مع العلم انهم سبق وخطبوا كذا بنت وكلهم ماكان عندهم مانع انهم يطلعون برا الرياض\بس هي
تتشرط هذي دبه هذي ىسمراء هذي وهذي

يعني ما زوجتني اخوها الا وانا ماليه عينها شكلا واخلاقا
بس ليه الغلط الحيييييييييييييييين ؟؟؟ لييييييه ؟؟

وشرايكم هي لبش تصرفت كذا وليش قالت هالجمل الغبية ؟؟
وكيف اتصرف معها مستقبلا لانها تجاوزت حدودها معي ؟؟؟


بس لاحد يقول غايره مني لان هذا شي مستبعد