أخت زوجي وبعدين معها

السلام عليكم أخواتي ، أنا ولله الحمد علاقتي بأهل زوجي ممتازة سواء كان علاقتي بأم زوجي اللي ما شاء الله عليها ما شفت منها الا كل خير من تزوجت ولدها لأنها طيبه كثير وتخاف ربها وعندها ما شاء الله 9 بنات وعلاقتي بهم كلهم رائعه ولله الحمد ما عدا واحده منهم فقط تكرهني جدا وبدون سبب مع انها متزوجه ومستقله في حياتها ولا نلتقي الا نادرا جدا ومع ذلك ترمي علي كلام وتعتبرني غريبه عنهم وتتضايق لما اخواتها او أمها يعاملوني وكأني وحده منهم ، نحن مسوين جروب في الواتساب وزوجي معنا في الجروب ودائما رسائلها عن الاخوات وانه الزوجه ولا شي مقارنة بالأخت وانه اذا فقد الزوج زوجته يتجدد فراشه أما أخته فما تتعوض وانه الزوج لازم ما يقدم زوجته على اخته ومن هالكلام اللي تجيبه بدون مناسبه
وكل كلامها من هالنوع، غير لما تكون موجوده معنا في تجمع عائلي وهي تعاملني برسميه شديده جدا فوق التخيل وتوضح اني غريبه مع ان كل اخواتها عسل معي ولا شكيت الا من هذي
تعبت من رسايلها والكلام اللي ترميه علي
ما اريد اكره احد بس هي بالغصب تكرهني فيها
حاولت اتقرب منها بلا فايده،