أخت زوجي وزوجها مبحبحين عندي وبيتهم موجود،أنا السبب بس وش الحل؟

السلام عليكم
أولا لاتواخذوني لوكتابتي ملخبطه لني مستعجله وأكتب من الجوال
اخت زوجي عندها مراجعه روتينيه في المستشفى،كانت مع زوجهابديرته قعدت ٦شهور(تصييف) ودوبها جات وعندهم بيت هنا(وهو مقرهم الأساسي ).
القصه ومافيها اني ابغى ارضي زوجي(مالت علي اناوياه بيوم واحد) فقمت ورحت اتصلت فيها وهم بديرةزوجها وسولفت معاها وزوجي يسمع وقلت لازم تجون تباتون معنا ليلتين لين تنظفون بيتكم وياليتني ماقلت كذا،
تصدقون بالله ان لهم الحين٥أيام لابدين عندي وكل ماقالوا بنروح بيتنا أستحي اني اسكت فقول لهم وش دعوى البيت وسيع وزوجي يمسك فيهم (مجامله يعني)تقوم هي تتعذر تعبناكم وغثيناكم (ومن طبعي اذا قالت كذا اني استحي وأقول لامافيهاشي) وشكلها ماتصدق على الله وأقسم بالله اللي لاحظته انها ماتبي تروح عشان رسيفر الدشوالتلفزيون حقهم خربان وعشان لا تتعب هناك في التنظيف والطبخ
والله الكوب اللي تشرب فيه انهاماتغسله
والشاهي والقهوه تروح تشرب معهم بالمجلس زوجها وزوجي اللي هو اخوها وأنا اجلس لحالي زي الشغاله بالظظظظظظظظبط
لو ما عندهم بيت مو مشكله لكن بيتهم موجود

ماقلت لكم عن شخصيتها هي كبيرة بالسن عمرها٥٠سنه بس اللي مايركز يقول ٣٥بالكثير
هي من النوع اللي يحب الجدل (اذاحد عطاهاوجه) وأذا تكلم علي زوجي تقوم معه علي على طول وتغلطني وهذا أكثر شي يرفع ضغطي منها
واللي يموتني بعد تقعد توصف له بعض الحريم والله مره وصفت له زوجة ولد خالي ويوم راح وضحت لها انه لايجوز خاصة ان الموصوفه متزوجه وكشرت وتضايقت وصارت تجادل حسبي الله عليها
ولو تعطينا الدنيا وتنصحينها حول اسلوبها اوحاجةسوتها وقتها تقلب عليك على طوووول كأنك عدوتها بالضبط

ما أمسك فيها ابدا بعد هالمرة أخذتها درس ... بس اش تشورون علي
بس هااااه اللي عندها كلمه زينه تقولها واللي غيركذا تحتفظ بها تراني محتره ياخواتي واااااااااجد