لا حول ولا قوه الا بالله

الله يسعدكم و يحزاكم خير
لكم مني الدعاء بالراحة و السعادة و التوفيق و الحفظ من الله تعالى ... دعيت لكم و انا الآن صايمة و أفطرت ربي يتقبل مني و منكم يارب


بالنسبة لزيارتي لزوجي فهي صعبة جدا لأن ابوه انسان قاسي و ما يهمه اذا تكلم علينا اي كلام و له سابقات بالسب و الشتم
و الله اني اخاف على نفسية زوجي اذا شافني اتعرض لأذى أهله
الموضوع نشرته و الحمد لله استانست بردودكم ان الوضع غلط لاني كنت اظنها لها حق تاخذه من بيته .. و استغرب من كل وحدة تدافع عن الام لمجرد انها ام بالاسم ! يعني ظلمها واضح و قبل في التنويم سبقتني و نامت معاه و تركتها ولا اعترضت ابتغاء وجه الله .. لكن يمكن كان لازم اسوي لها مشكلة و اطردها حتى ما يصير اللي صار الآن !!
و انا عند كلامي انها هي و ابوه سبب في مرضه صح انه قدر من الله و الحمد لله على كل حال لكنهم كانوا مضيقين عيشته ماديا و نفسيا من قبل و لا عاجبهم ولا راضيهم شي و انا كنت اصبره عليهم لكنهم بلا رحمة .. بعض الآباء والأمهات يستخمدمون البر سيف على رقاب اولادهم ...و يحسبون انهم مبرئين من الظلم.. حسبي الله و نعم الوكيل على كل ظالم


حاليا انا احاول ادخاله مستشفى حكومي فيه تأهيل و علاج طبيعي حتى انقله له يتتوم فيه و يتعالج و بعناية الله ربي يشفيه شفاء تام
يمكن هذا مصبرني اني ما ازوره و اتسبب بالألم لي و له .. يارب تتسهل الامور و يجيني قبول في مستشفى يكمل علاجه فيها..
وقتها بكون معاه ولا رح اسمح لانسان غيري يرعاه و يساعده




أعتذر اني ما رديت عليكم بالاسم حبيباتي
لأني مشغولة و نفسيتي تعبانة..
كل وحدة فيكم كتبت كلمة ربي يجزاها خير و يبعد عنها السوء و يحفظها ربي و يحفظ لها أحبابها ..

انتي روحي لهم كل يوم لاتتركينه من الصبح لين ينام اجلسي عندهم وقولي زوجي مااحد بيمنعك منه وانتي مصدقه انه بتطاول تراعية بتمل وتتعب وهذا مرض مايرجى براءه الا بمشيئة الله لذلك راجع راجع لك لكنك انتي الحين روحي له تلقينه يبيك ومشتاق لعيالك ومهما حصل ادحري الشيطان ومشي الامور واستهدي بالله وحتى امه مهب دايمه له

نزيف المخ له سبب اخر ما تجي من زعل او ضلم ؟؟؟

صار له حادث بسيارة او شيء او اي حادثة سبب لها مشكله او جلطة ؟؟؟

الرجل في مرحلة العلاج اهله خذوه يهتمون فيه واخته معقوله تنكد عليه وتخليكم تفترقون بدون سبب ؟ اكيد اهل زوجك مسكوا عليك خطأ او زله وكرهوك من شيء , ماحولتي تعتذرين او تصلحين اللي صار , زعل من دون سبب ما يجي لازم في سبب )

ما يسألون عن الأولاد لأنهم ضامين انك ام طيبة وراح تلبين طلبات احفادهم وواثقين فيك ميه بالميه .

امه وابوه رجال كبار ميبقون ازعاج بالبيت وماراح يضرون ولدهم هم ارحم واحب واحن اليه من زوجته وهالكلام ما تعرفه الى كل ام تخاف على ولدها , كل مافي الموضوع طلعوا زوجك برى البيت وانتي معه عساس هم مايحبون الأزعاج وعساس يخلونه يعتمد على نفسه .




انتي برأيك عقوق والدين او بر الأبناء ؟

انا ما اشوف فيه عقوق نفس ما اتقولين هذا بر الأباء بأبنائهم شوفي اكبر دليل الأم نامت وسهرت جنبه واخذوه عندهم وين العقوق الله يصلحك يمكن في كراهية بس مستحيل توصل للعقوق والمستشفى لو قال امه اوبه السبب بنزيف المخ كان اخذوا امه وابوه للتحقييق نزيف بسبب عقوق اب وأم بأبنهم ؟؟ ماتجي اختي صاحبة الموضوع اصحي من اللي انتي عليه , زوري رجلك عند اهله وراحته عند أهله ودام عنده نزيف مو بحاجة لأزعاج او عصبية او مشاكل او ضغط نفسي فوقه وفوق راسه واذا انتي تحبين زوجك خليه عند اهله لحد ما يتعافى ويرجعلك لكن لا تقطعينه من الزيارة ولا تخلينه يعصب او تفتحين ها الموضوع معه .




الأمل والتفاؤل هم سبب نجاح العلاج الطبيعي . الله يشفي زوجك ويرده لك ولأولاده . كثري من الدعاء اليوم الجمعة .

تحسبي عليهم الله يرد كيدهم ان شاء الله وكثري صدقة تحل مشاكلك باذن الله.