أخر التطورات حادثة الخيانة

الأسرة والمجتمع

http://forum.hawaaworld.com/showthread.php?t=2170706

طبعا مادري ايش سبب نقل موضوعي الاول ومن حق الادارة تنقل هذا الموضوع ايضا بس كتبته هنا لان اغلب البنات يدوروا عليه هنا في الاسرية






كيفكم يابنات







اللي تابعوا قصة صديقتي طبعا زي ما قلت لكم اخر شيء قررت تروح لأهلها واتفقت مع والدها انه زوجها يوديها لوالدها بسبب ظروف واجباري تكون موجودة معاهم وفعلا راحت وطول الطريق في السيارة هي ساكتة ليلة كاملة وهي ساكته ومتحمله وهو قدامها ولا قدرت تواجهه ..

تقول رحنا عند اهلي وطلع زوجي يبغى يتقهوى ويجلس مع اهلي وكأنه حاس ان الوضع فيه شيء شاف والد زوجته مو مهتم لأمره ولا يكلمه ولا يضحك معاه

وكان ناوي يروح للاندنوسية مجهز شنطته وكل شيء في السيارة ودخل على زوجته في غرفتها عند اهلها وقالها ابغى ارتاح شوي تقول قلت له انا بجلس عند اهلي ما برجع معاك روح البيت الله يسهل امورك طبعا جلس يقولها انتي بتطرديني من بيتكم ( تقول حسيته جالس يناقرني بالغصبا عشان يلاقي حجة يتركها ويمشي )

شال اغراضه وهو نازل من الدرجة راحت صديقتي وقالت له روح لـــ ****** خليهم ينفعونك
هو وقف وسكت وهي دخلت البيت وابوها قام قفل الباب الفاصل بين الدرج وبين بيت اهلها ورجع زوجها يوم انتبه يدق الباب تقول رحت قلت له من ورا الباب نعم وهي شايفته من فتحات الحديد لانها كبيرة قالها افتحي خلينا نتفاهم قالت له على ايش نتفاهم ؟


قالها ايش اللي قلتيه تقولين روح للـــــ***** ايش قصدك وقتها فتحت الجوال وفتحت صورته وهو يحضن الاندنوسية الحقيرة وقالت له هذي عرفتها يلا روح وجا ابوها وقعد يسب ويشتم فيه ويهزء فيه يلي فيك انا اديتك بنتي امانة والكل يتمناها لكن انت ما تستاهل ظفرها يلا انقلع برا بيتي ولا تحلم تدخل هنا ثاني


بناااااااااااااات تقول جاله انهيار انهار في الدرج يبكي زي الحرمه ويقول افتحولي الباب اتفاهم معاكم

يا فلانه ينادي زوجتة وهي داخل البيت افتحيلي انا حبيبك انا فلان افتحيلي انا غلطت في حقك سامحيني
وابوها كل شوي يروح عند الباب يقوله بالله انقلع واذا ماعندك فلوس خذ هذي ميتين ريال استأجرلك غرفة اذا ماعندك بيت تروحله ولا انقلع



وجلس يتصل عليها ويرسلها رسائل انا حبيبك لا تهدمي سعادتنا وحبنا وبيتنا وهي تقول مسكت المصحف وقعدت اقرأ البقرة وابكي وهو يصيح في الدرج جو اخوانها يبغون يفتحون الباب الكبار ابوها قال اللي يفتحله الباب بكسر له رجله ومحد له دخل حاولو يفهموا الموضوع محد علمهم الموضوع بين البنت وابوها فقط



كان هالكلام متأخر بالليل الناس نايمين تخيلو نام في السيارة عند باب الشارع ليلة كاملة مارضي يتحرك عن بيتهم



بعد صلاة الفجر راح ابوها يصلي الفجر ولقي زوجها بالسيارة جالس يبكي
رجع من الصلاة ودخل البيت والرجال باقي لحد الساعة 9 صباحا

نزل ابوها وشافه باقي قال قوم اطلع طلع البيت ودخله في مجلس خارجي وحط عنده باقي الفطور شاهي واكل خفيف
قال يلا كل وانقلع دخل زوجها توضا وغير ملابسه ومسك رجول ابوها وسلم عليها ياعم استرني وبنتك زوجتي ولها اللي تبغى مني وانا غلطاااااااااان مليون في المية وعيال الحرام لعبوا علي


طبعا ابوها التزم الصمت وقاله بس قوم توكل على الله المصيبة ماهي قليلة
ولا بسهولة خذني جيتك وغنى وزنى ما تجتمع وانت مريض كيف تبغى ربي يرزقك ذرية وانت بهذا الوضع بدل
ما تحمد ربك تقول ربي من علي بزوجة يحلم فيها كل واحد


راح زوجها ومعاد شافها وكل ثانية يتصل وكل ساعة رج ابوها ورجها برسايل الحب والغرام يذكرها بسعادتهم
يقولها البيت يخوف من غيرك انتي تركتي بصمة في كل مكان ما ابغى غيرك ويتصل عليها ويبكي وهي تبكي تقوله انا نقصت عليك بشيء انا حتى الاطفال ضحيت فيهم هذي جزاتي وتقفل الجوال


وطبعا ابوها وهي قد علموا الهيئة واعطوهم صور الحرمة فقط من غير صور زوجها عشان يسترونه
واعطوه صور الحريم الثانيات ورقمها وقالوا للهيئة هذي فعلا شبكة دعارة



الآن هو قال لوالدها وتدخل بينهم واسطة بهدف الاصلاح انه طاح في هالطريق بسبب عيال الحرام
وهو مستعد لكل شروطهم بس ترجعله وطلب انهم يستبعدون فكرة الطلاق لانه مايقدر يستغني عنها وقال والله لاعاهدكم اامام بيت الله الحرام في مكة واشهد ربي على كلامي اني ما اخونها ثاني


صديقتي قالت له انا بسترك بس طلقني وارسل ورقتي وماراح افضحك قعد يبكي



ولحد الان الموضوع معلق وفيه كم شخص من اصدقاء والدها قالوا له خليه يرضيها ويعطيها رضوتها ويرجعها وهي تقعد معاه كم شهر اذا شافت حركة طالعة حركة نازلة روح خذها ولا عاد يشوف وجهها لو ايش يسوي


يمكن يتوب وهي جالسة تستخير بس تقول انكسر قلبي معاد احبه زي اول وفي نفس الوقت ما ابغى غيره



وللبنات اللي قالوا ممكن تكون زوجته اقولكم ان الرجال نفسه اعترف انه طاح في الحرام وارتكب الزنا وهو محصن




والله الهادي ماندري الايام ايش مخبية لنا
69
6K

يلزم عليك تسجيل الدخول أولًا لكتابة تعليق.

تسجيل دخول

بعدين بكتب اسمي
والله عورني قلبي عليها حراام عليه كفاية هي مضحية انها تكون ام عشانه وبالاخير هذي جزات المعروف والصبر..
الواضح انه فعلا يحبها وعيال الحرام اثروا عليه بس برضو اتخاذ القرار صعب
خلها تسال نفسها هل ممكن تنسى خيانته وترجع معه صفحة بيضاء ؟
اذا هو قادر ينسيها ويعوضها خلها ترجع بشروووط ورضاوة كبيرة
والله مدري شقول بس خليها تستخير كثييير واللي فيه الخير ربي يكتبه لها
سهوم8
سهوم8
الله يفرج عليها ويهدي زوجها
R.B.J
R.B.J
الله يهدي زوجها
ام كنان 111
ام كنان 111
خليها تسيبو وا شاءالله ربنا يرزقها احسن منو...
وربي ديل الكلب ماينعدل...دحين يسيبها هيا النضيفة ويروح للوساخة..لكن خليها تسيبو ولاترجعلو...
الله يخليكي قوليلها تسيبو وربي لو زوجي سووا كدة وربي اني ماررجعلو...
لو رجعتلو حايقول دي ماعندها كرامة....والله يعوضها بواحد احسن منو..كفاية انو زنى...
والله ده كفاية عندي يروح يتزوج بالحلال ولا يزني....مدام انو ماخاف ربو في نفسو مستحيل
راح يخاف ربو فيها...
ساكبه العبرات
الله يهدي زوجك وجممممميـــــــــــــــــــــــــــــ‘ ع ازواج المسلـــــــــماااات ياااااا‘‘‘ربي يالرجاااااااااال والله فاضين هم للخيانه وماادري ايششش مايعتبرووووووووون مــــــــــــــــــن بلاوي الدنـــــــــــــــــيا يحووووو‘‘‘‘‘‘للل