اهلاً هلا يامهرة بك تلاقيت
وألف هلا ياديمة جا خبرها
هلت غلا في دمعتين وتناهيت
قطرة ندى سالت ضحا ..من نظرها
أهلاً هلا ياشوقي اللي تمنيت
ياصفوة عطور الفرج يا زهرها
ابعتذر لو عن عيونك تلاشيت
لو غبت وعيونك تسابق مطرها
عفتك غلا لا تحسب أني تغليت
وبعتك وفاء مابي نفسك كدرها
مثلت دور الكاذب اني تسليت
ومثلك صدوق قلبي اللي غدرها
لبست لك ثوب التجافي وصديت
رحلة امل بانت مواري خطرها
حظك معي أول خطاويه تشتيت
وحظي معك قعة الم بختصرها
دنياي ماجت لك على ما تمنيت
ودنياك باعتني الجنون وسهرها
اقول عاشق خانه الحظ مريت
ما نيب لك جنة ولا انتي شجرها
أبكي وابكتب لوحة العشق بالزيت
أرسمك في قصة و أعيش بصورها

pride1 @pride1
عضوة جديدة
يلزم عليك تسجيل الدخول أولًا لكتابة تعليق.

الصفحة الأخيرة
ابعتذر ... عن كل شيء ...
إلا الهوى .. ما للهوى عندي عذر ..
ابعتذر .. عن أي شي ..
إلا الجراح .. ما للجراح إلا الصبر ..
إن ضايقك اني على بابك أمرّ ...
ليلة ألم ... واني على دربك مشيت عمري وأنا
قلبي القدم ...
ابعتذر ... ابعتذر ... كلي ندم ...
عن كل شيء ... إلا الهوى ...
ما للهوى عندي عذر ...
ا تصدقي ... ما اخترت أنا أحبك ...
ما احدٍ يحب اللي يبي ...
سكنتي جروحي غصب ...
ياحبي المرّ ... العذب ...
ليت الهوى وانتي ... كذب ...
كان اعتذر لك عن هواي ...
ما أقول أنا ... كوني معاي ...
ان ضايقك اني على بابك أمرّ ...
ليلة ألم ...
واني على دربك مشيت عمري وأنا ...
قلبي القدم ...
ابعتذر ... ابعتذر ... كلي ندم ...
عن كل شيء ... إلا الهوى ...
ما للهوى عندي عذر ...
الله كريم .. حبك ... يكون ...
همي القديم ...
وجرحي القديم ...
والله عليم ... يا أحلى العيون ...
ان الفراق ... جزا الفراق ...
ابوعدك ... كان الطريق بيبعدك ...
بامشي الطريق ...
وكان الجحود بيسعدك ...
مالي رفيق ...
ابجمع أوراق السنين ... وأودعك ...
كان الفراق اللي تبين ... الله معك ...